Ümummilli lider Heydər Əliyevin 100 illik yubileyinə həsr olunmuş həndbol üzrə Azərbaycan kuboku yarışlarına yekun vurulub.
“AHF Arena”da təşkil olunan final mərhələsində meydançaya əvvəlcə qadın həndbolçular çıxıblar. Gərgin və maraqlı mübarizəsi ilə yadda qalan “Azəryol” - “Qarabağ” görüşündə fasiləyə 7 xallıq üstünlüklə yollanan “Qarabağ” ikinci hissədə də 30:25 hesabı ilə qalib gələrək turnirin əsas mükafatına layiq görülüb.
Kişilərin həlledici oyununda isə “İdman Akademiyası” “Təhsil”lə qarşılaşıb. Ölkə çempionatında inamla liderlik edən “İdman Akademiyası” komandası kubok yarışında da etimadı doğruldub. Rəqibi 34:22 hesabı ilə məğlubiyyətə uğradan “İdman Akademiyası” Azərbaycan kubokuna sahib çıxıb.
Final oyunlarından sonra mükafatlandırma mərasimi olub. Qalibləri təbrik edən Azərbaycan Həndbol Federasiyasının idman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov Ümummilli Lider Heydər Əliyevin 100 illik yubileyinə həsr olunmuş həndbol üzrə XXIX Azərbaycan kuboku yarışlarının uğurla başa çatdığını vurğulayıb. İsgəndər Əsgərov finalda uduzan komandaların üzvlərinə ruhdan düşməməyi tövsiyə edib. Olimpiya çempionu Lüdmila Şubinanın da qatıldığı mükafatlandırma mərasimində idmançılara diplom, kubok və hədiyyələr təqdim olunub.
Qeyd edək ki, Azərbaycan Həndbol Federasiyası və Azərbaycan Gənclər və İdman Nazirliyinin birgə təşkilatçıllığı ilə “AHF Arena”da keçirilən yarışda 7-si kişilərdən, 5-i qadınlardan ibarət olmaqla 12 komanda mübarizə aparıb.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
Qadın həndbolçulardan ibarət Azərbaycan millisi V İslam Həmrəyliyi Oyunlarına hazırlığı davam etdirir
600 10.06.2022
İsgəndər Əsgərov yeni təyinat alıb
301 30.11.2023
“Azəryol” liderlə xal fərqini aradan qaldırıb
830 09.03.2019
Qadın həndbolçuların Azərbaycan çempionatında daha iki turun oyunları keçirilib
642 13.12.2022
Kişi həndbolçuların Azərbaycan çempionatında fasiləyə yekun vurulub.
750 27.01.2019
Kişi həndbolçuların Azərbaycan çempionatında VI turdan sonra ən çox qol vuranların siyahısı
193 30.12.2023
Kişi həndbolçuların pley-off görüşləri davam edir
585 08.04.2018
Yeniyetmə həndbolçular yarışlarda iştirak ediblər
736 03.06.2022