Kişi həndbolçuların Azərbycan çempionatında 14-cü turun mərkəzi matçı Mingəçevirdə “Kür” və “Bakı” arasında olub. “Kür” Olimpiya Tədris-İdman mərkəzində təşkil olunan bu komandaların görüşü gərgin idman mübarizəsində keçib. Bərabər səviyyəli oyun nümayiş etdirən tərəflər fasiləyədək təşəbbüsə yiyələnmək istəyini reallaşdıra bilməyiblər. İlk hissənin yekununda “Kür” bir xallıq fərqlə irəli çıxıb - 13:12. Oyunun ikinci hissəsi daha maraqlı keçib. Hesabdakı üstünlüyü artırmağa çalışan Mingəçevir həndbolçuları rəqibin ciddi müqaviməti ilə üzləşiblər. Meydan sahibləri bəzi epizodlarda buna nail olsalar da, paytaxt təmsilçisi yüksək əzmkarlıq göstərib. Matçın son iki dəqiqəsini bir nəfər azlıqda keçirən və 24:26 hesabı ilə geridə olan “Bakı” yekunda çətin səfəridən xalla qayıtmağa nail olub. Belə ki, son dəqiqələrdə baş məşqçi Eldar Fərəcovun taymautu nəticəsini verib və “Bakı” həndbolçuları bərabərliyi təmin ediblər. Mübarizənin başa çatmasına saniyələr qalmış “Kür” cərimə zərbəsindən yararlana bilməyib. Beləliklə qarşılaşma 26:26 hesabı ilə yekunlaşıb.
14 turdan sonra hesabında 20 xalı olan Mingəçevir klubu ilk pillədə qərarlaşıb. Ondan iki xal geri qalan “Bakı” və “Azəryol” ikinci-üçüncü yerləri bölüşür.
Qadın həndbolçuların yarışında isə 12-ci turdan təxirə salınmış bir görüş keçirilb. Mingəçevirdə yerli “Kür” “İdman Akademiyası”nı qəbul edib. Matçın ilk hissəsini 20:10 hesabı ilə öndə başa vuran meydan sahibləri fasiləsindən sonra da üstünlüyünü əldən verməyib. 38:21.
20.05.2024
Azərbaycan - Özbəkistan TJ 28:29 (14:16)...
"Qarabağ" uğurlu seriyanı davam etdirir
715 23.10.2019
Yeniyetmə həndbolçularımız açıq Avropa turnirində mübarizəyə başlayırlar
655 02.07.2018
Həndbol üzrə Azərbaycan kuboku uğrunda yarışa start veriləcək
758 15.12.2017
"Bakı" inamlı qələbə çalıb
747 18.02.2018
Millimiz Avropa çempionatına hazırlaşır
313 04.12.2023
Qadın həndbolçuların Azərbaycan çempionatında 11-ci turun növbəti oyunları keçirilib.
833 26.01.2019
Avropa çempionatının ilkin təsnifat turnirinə yekun vurulub
629 14.01.2023
Azərbaycanın qadın həndbolçuları "Konya-2021"ə qələbə ilə başlayıblar
869 07.08.2022