Avropa çempionatının ilkin təsnifat turnirinə yekun vurulub

14.01.2023
2285
Paylaş:

Yanvarın 15-də kişi həndbolçuların 2026-cı il Avropa çempionatının ilkin təsnifat turnirinə yekun vurulub.
Bakı İdman Sarayında keçirilən yarışın son günündə həndbolçularımız Kipr kollektivi ilə qarşılaşıblar.
İlk oyunda Maltaya qalib gəlib, ardınca Böyük Britaniya seçməsinə uduzan milli komanda qrupda ikinci yeri tutmaq üçün mütləq qələbə qazanmalı idi. Kipr həndbolçuları isə 27 top fərqli qələbə ilə qrupdakı mübarizəni lider kimi bitirə bilərdilər. Gərgin mübarizə ilə yadda qalan oyunda 32:23 hesabı ilə qələbə çalan Kipr seçməsi təsnifat yarışını 2-ci, Azərbaycan millisi 3-cü pillədə başa vurub.
Günün digər matçında Böyük Britaniya komandası Malta seçməsinə 44:14 hesabı ilə qalib gəlib.
Görüşün ən yaxşı oyunçularına xüsusi mükafatlar, həmçinin turnirin iştirakçı komandalarına AHF-nin xatirə hədiyyələri təqdim olunub.
Beləliklə, yarışın nəticələrinə əsasən, iki qələbə və bir heç-heçə ilə aktivinə 5 xal yazdıran Böyük Britaniya kollektivi eyni xala malik Kipr millisini topların nisbətinə görə qabaqlayaraq Avropa çempionatının növbəti təsnifat mərhələsinə lider kimi vəsiqə qazanıb.

Digər Xəbərlər

9 noyabr Azərbaycanda Dövlət Bayrağı Günüdür

271 09.11.2025

Qazaxıstan klubu Bakıda daha iki yoxlama oyunu keçirdi

1362 05.11.2024

Həndbolçularımız Tbilisidə keçiriləcək mötəbər yarışa qatılacaqlar

2266 22.04.2021

Qadın həndbolçuların Azərbaycan çempionatında VII turdan sonra turnir cədvəli

1813 23.01.2024

5-6-cı yer uğrunda: “Kür “(Azərbaycan) – “Alatau Arulary” (Qazaxıstan) 34:27

1456 31.08.2024

3-cü yer uğrunda: “Astana” (Qazaxıstan) - “Qarabağ” (Azərbaycan) 28:32

1528 01.09.2024

Azərbaycan çempionatı, IX tur: “Qarabağ”- “Azəryol” 23:28 (10:11)

1400 18.01.2025

Beynəlxalq dərəcəli həndbol hakimlərimiz nüfuzlu yarışa təyinat alıblar

2163 22.09.2023