“Bakı” çempionluq imkanlarını qorudu

06.05.2024

1941

Paylaş:

Kişi həndbolçuların 19-cu turunda daha bir maraqlı qarşılaşma “Bakı” və “Qarabağ” komandaları arasında olub. Ləman Həmidova və Aydan Hüseynovanın idarə etdiyi görüşün deleqatı Avropa Həndbol Federasiyasının nümayəndəsi İsgəndər Əsgərov olub. Prinsipial xarakter daşıyan görüşdə qonaqlar çempionluq imkanlarını qorumaq üçün mütləq qalib gəlməli idi. Liderdən 4 xal geridə olan “Bakı” məğlubiyyət təqdirində qızıl medallardan əlini üzə bilərdi.

“Qarabağ” isə qələbə sayəsində bürünc medallar uğrunda mübarizəni davam etdirəcəkdi. “AHF Arena”da keçirilən oyuna “Bakı” daha inamlı başlayıb. Sabir Nəzərəliyev və komanda yoldaşlarının kəskin hücumları hesab arasındakı fərqin ilk dəqiqələrdən artması ilə nəticələnib. Rəqibin kəsərli həmlələrini dəf etməkdə çətinlik çəkən “Qarabağ” qapısında ardıcıl qollar görüb. Ev sahibləri yalnız ilk hissənin sonlarına doğru toparlansalar da, fasiləyə məğlub yollanıblar. Rəqibin fərqi azaltmasına rəğmən ilk hissə qonaqların 13:9 hesablı üstünlüyü ilə başa çatıb.

Qarşılaşmanın ikinci hissəsi də demək olar ki, eyni ssenari üzrə keçib. Vəziyyəti dəyişməyə çalışan “Qarabağ” hesab arasındakı fərqi aradan qaldırmaq istəyilə irəli atılıb. Amma rəqibi bəzi göstəricilərdə üstələyən qonaqlar fasiləyədək qazanılan üstünlüyü qorumağı bacarıblar. Beləliklə, maraqlı mübarizə ilə yadda qalan oyun “Bakı”nın qələbəsi ilə başa çatıb - 30:23. Aktivinə 26-cı xalı yazdıran “Bakı” komandası çempionluq uğrunda mübarizəni davam etdirir.

Son Xəbərlər

06.04.2026

Həndbol qaydaları Azərbaycan dilində çapdan çıxıb...

04.04.2026

Qadın həndbolçuların ölkə çempionatında XI turdan ...

04.04.2026

Ölkə çempionatı: XII turun ilk oyun gününün nəticə...

02.04.2026

Kişi həndbolçuların ölkə çempionatında XI turdan s...

“Bakı” çempionluq imkanlarını qorudu

Son Xəbərlər

06.04.2026

04.04.2026

04.04.2026

02.04.2026

Digər Xəbərlər