Bu gün Bakı Su İdmanı Sarayında çimərlik həndbolu üzrə ikinci Azərbaycan çempionatına yekun vurulub.
Final görüşlərindən əvvəl Avropa Həndbol Federasiyası (EHF) və Azərbaycan Həndbol Federasiyasının təşkilatçılığı ilə çimərlik həndboluna dair seminar keçirilib.
Seminardan sonra final oyunlarına start verilib. Əvvəlcə kişi həndbolçular mübarizə aparıblar. Günün ilk matçında “Bakı” komandası Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) yetirmələrinə qalib gəlib - 2:0. “Təhsil” - “Məhsul” görüşü 2:1 hesabı ilə yekunlaşıb. Nəticələrə əsasən, “Məhsul” klubu çempionatın qızıl, “Bakı” komandası gümüş, “Təhsil” kollektivi isə bürünc medalına layiq görülüb.
Qadın həndbolçular arasında keçirilən oyunlar belə nəticələnib:
“İdman Akademiyası” - “Azəryol-1” - 0:2, “Azərsu” – “Azəryol - 2” - 1:2, “Nur” – “Qarabağ” - 1:2. Beləliklə, Mingəçevirin “Nur” komandası ikiqat ölkə çempionluğunu rəsmiləşdirib. “Azəryol-1” gümüş, “Qarabağ” bürünc medallara yiyələnib.
Mükafatlandırma və təntənəli bağlanış mərasimində çıxış edən Azərbaycan Həndbol Federasiyasının vitse-prezidenti Orxan Abbasov üç gün davam edən çempionatın uğurla başa çatdığını bildirib. Qalibləri təbrik edən və onlara uğurlar arzulayan vitse-prezident mükafatçılar sırasından kənarda qalan komandalara ruhdan düşməməyi və gələcək oyunlara daha yaxşı hazırlaşmağı arzulayıb.
Sonda isə qalib və mükafatçılar təltif ediliblər.
Xatırladaq ki, avqustun 18-də start verilən çempionatda ümumilikdə, 21 oyun keçirilib.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
Azərsu – Olimpiya Tbilisi
879 07.10.2018
İrəli, Azərbaycan əsgəri, qələbə bizimlədir!
1171 01.10.2020
XXX Azərbaycan çempionatı: I turun son oyunlarının nəticələri
393 12.11.2023
"Məhsul" liderliyi davam etdirir
732 10.02.2020
"Azəryol" liderliyi davam etdirir
657 13.02.2020
Avropa çempionatı: GEO (Gürcüstan) - ISR (İsrail) 23:28
319 12.08.2023
Prezident İlham Əliyev və birinci xanım Mehriban Əliyeva V İslam Həmrəyliyi Oyunlarında nəticə əldə etmiş idmançılarla görüşüblər
579 22.08.2022
Avropa çempionatı: GEO (Gürcüstan) - SLO (Sloveniya) 14:30
399 09.08.2023