Həndbol üzrə XXX Azərbaycan kubokunun ¼ final mərhələsinə start verilib.
İlk oyun gününün “AHF Arena”da keçirilən maraqlı qarşılaşmasında “Kür” və “Azəryol” komandaları üz-üzə gəliblər. Beynəlxalq dərəcəli hakimlər Ələkbər Ağakişiyevlə Ernest Ağakişinin idarə etdiyi görüşün deleqatı Avropa Həndbol Federasiyasının nümayəndəsi İsgəndər Əsgərov olub.
Ölkə çempionu ilə bürünc mükafatçının kubokdakı görüşü də gərgin və maraqlı mübarizə vəd edirdi. Oyuna daha yaxşı başlayan “Azəryol” effektli hücumlar sayəsində hesabda irəli çıxmağı bacarıb. Təşəbbüsü əldən verən “Kür”ün tarazlıq yaratmaq istəyi nəticəsiz qalıb. Müdafiədə intizamlı oynayan Vidadi Əliyevin komandası matçın əvvəlində yiyələndiyi üstünlüyü qorumaqla fasiləyə 5 topluq fərqlə yollanıb - 15:10.
İkinci hissəyə kəsərli hücumlarla başlayan Mingəçevir həndbolçuları matçın gedişində fərqi iki topadək endirməyə nail olsalar da, tezliklə toparlanan “Azəryol” yenidən təşəbbüsə yiyələnib və hesabdakı fərq də artan xətt üzrə inkişaf edib. “Kür”ün əzmkarlığı oyunun sonlarında azarkeşlərini bir qədər ümidləndirsə də, intizamı pozulmayan paytaxt təmsilçisi rəqibin fərqi 3 topdan artıq azaltmasına imkan verməyib. Beləliklə, 30:27 hesablı qələbə çalan “Azəryol” ölkə kubokunun yarımfinalına yüksəlib.
İlk oyun gününün digər görüşündə qadınlardan ibarət “Bakı” və “İdman Akademiyası” komandaları üz-üzə gəliblər. Maraqlı mübarizə şəraitində keçən oyunda daha inamlı təsir bağışlayan “İdman Acidemiası” 32:21 hesabı ilə qalib gəlib.
01.09.2024
“Azəryol” beynəlxalq turnirin qalibi oldu...
Qadın həndbolçularımız çempionluğun bir addımlığında
852
14.05.2017
Azərbaycan kuboku turnirində növbəti oyunlar olub
944
15.12.2018
Prezident İlham Əliyev və birinci xanım Mehriban Əliyeva V İslam Həmrəyliyi Oyunlarında nəticə əldə etmiş idmançılarla görüşüblər
742
22.08.2022
Yeniyetmə həndbolçularımız açıq Avropa turnirində mübarizəni davam etdirirlər
875
04.07.2018
“Azəryol” “Qarabağ”ın müqavimətini çətinliklə qırıb
938
02.02.2019
Bakıda 17 yaşadək həndbolçu qızların Avropa çempionatı başlayır
677
04.08.2023
"Bakı” həndbol komandası “Çağırış kuboku” uğrunda mübarizəyə başlayır
1282
12.10.2018
Müqəddəs Qurban bayramı münasibətilə hər birinizi ürəkdən təbrik edirik!
316
16.06.2024