Həndbol qaydaları
Oyun təqvimi
Xal cədvəli
Xəbərlər
Əlaqə

“Kür” yenidən zirvəni ələ keçirdi

26.03.2024
121
Paylaş:

Kişi həndbolçuların 15-ci turunun mərkəzi görüşündə “Qarabağ” “Kür”ü qəbul edib. “AHF Arena”da keçirilən oyun gözlənildiyi kimi gərgin və maraqlı mübarizə ilə yadda qalıb. Bu oyun ərəfəsində aktivində 20 xalı olan “Kür” “Qarabağ”ı 5 xal qabaqlayırdı. Oyuna favorit qismində çıxan qonaqlar yenidən zirvəni ələ keçirmək, ev sahibləri isə mükafatlar uğrunda mübarizədə irəliyə doğru addım atmaq niyyətində idilər. Deleqatı Avropa Həndbol Federasiyasının nümayəndəsi İsgəndər Əsgərov olan görüşü beynəlxalq dərəcəli hakimlər Vaqif Əliyevlə Ələkbər Ağakişiyev idarə edib.  “Kür” oyunun favoriti sayılsa da, “Qarabağ”ın da meydançaya qələbə üçün çıxdığı ilk dəqiqələrdən özünü büruzə verib. Xala - xal prinsipi ilə keçən hissənin yalnız sonlarına doğru tarazlıq pozulmağa başlayıb. “Qarabağ”ın buraxdığı səhvlərdən istifadə edən Mingəçevir həndbolçuları hesabda üstünlüyə yiyələniblər. Nəticədə fasiləyə qonaqlar irəlidə yollanıblar – 18:14. Bununla qələbəyə zəmin yaradan qonaqlar ikinci hissədə də rəqibin ciddi müqaviməti ilə üzləşiblər. Hissənin ortalarında doğru fərqi minimuma da endirən “Qarabağ” azarkeşlərini xeyli ümidləndirib. Matçın qalan vaxtında mübarizə daha da gərginləşib. Bunun nəticəsi kimi “Qarabağ”ın iki, “Kür”ün isə bir oyunçusu qırmızı vərəqə ilə cəzalandırılıb. Ev sahibləri yüksək əzmkarlıq göstərsələr də bu, məğlubiyyətdən qurtulmaq üçün yetərli olmayıb. Oyunun sonluğunu daha inamlı keçirən qonaqlar 38:34 hesablı qələbə qazanıblar.


 Aktivinə 22-ci xalı yazdıran “Kür” yenidən zirvəyə yüksəlib. Mingəçevir təmsilçisi ən yaxın izləyicisi “Azəryol”u 1 xal qabaqlayır. “Bakı” 19 xalla 3-cü, “Qarabağ” 15 xalla 4-cü yerdə qərarlaşıb. Aktivində 4 xalı olan “Təhsil” və hərəyə 3 xal toplayan “Dinamo” ilə “İdman Akademiyası” sonrakı pillələrdədirlər.

09.05.2024

9 May -faşizm üzərində Qələbə günüdür ...

09.05.2024

Azərbaycan birinciliyinin zona yarışına start veri ...

06.05.2024

“Kür” çempionluğa doğru inamla irəliləyir ...

06.05.2024

“Bakı” çempionluq imkanlarını qorudu ...
Hamsına bax

Digər Xəbərlər

“Azəryol” komandası “Qaliçanka” klubu ilə ilk oyununu keçirib

724 07.09.2019

Azərbaycan kuboku uğrunda yarışın ilk mərhələsi başa çatıb

663 17.12.2017

Hakimlərimiz növbəti təyinat alıblar

634 20.02.2018

Göygöldə Azərbaycan birinciliyinin zona yarışları keçiriləcək

87 20.03.2024

Azərbaycan millisi Ermənistan komandasını məğlubiyyətlə barışdırıb

629 17.06.2017

Qadın həndbolçulardan ibarət “Nur” komandası İsveçin “Luqi HK” kollektivinə qalib gəlib

775 17.09.2017

“Azəryol” komandasından növbəti qələbə

830 10.11.2018

Yeniyetmə həndbolçular ölkə birinciliyində bacarıqlarını göstəriblər

757 24.04.2017