“Qarabağ”la “Kür” liderlik mövqeyini möhkəmlədib

05.02.2024

164

Paylaş:

Kişi və qadın həndbolçuların Azərbaycan çempionatında mübarizə davam edir.

Həftəsonu hər iki yarışda IX turun oyunları keçirilib. Qadınların çempionatında tura “Azəryol – “Bakı” matçı ilə start verilib. “AHF Arena”ya nominal ev sahibi qismində çıxan “Azəryol” favorit statusunu inamlı qələbə ilə təsdiqləyib – 44:10. “Qarabağ” - “İdman Akademiyası” görüşündə də böyük hesablı qələbə qeydə alınıb. Rəqibi əksər göstəricilərdə üstələyən “Qarabağ” meydançadan 40:17 hesablı qələbə ilə ayrılıb. Mingəçevirin “Kür” komandası isə “Gənclər Birliyi” ilə oyunda pərəstişkarlarını sevindirib – 53:12. “Qarabağ” 16 xalla çempionatın lideridir. “Azəryol” ondan bir xal geri qalır. “Kür”ün 13, “İdman Akademiyası”nın 6, “Bakı”nın 4 xalı var. “Gənclər Birliyi” hələ də xal üzünə həsrətdir.

Kişilərin yarışında da bu tur gözlənilməz nəticə qeydə alınmayıb. “İdman Akademiyası” – “Qarabağ” görüşündə ehtimal olunduğu kimi ikincilər etimadı doğruldublar – 16:36, “Bakı” “Təhsil” komandasını böyük hesablı məğlubiyyətə uğradıb - 40:23. “Kür” – “Dinamo” matçı isə Mingəçevir həndbolçularının 57:17 hesablı qələbəsi ilə nəticələnib.

“Kür” 16 xalla yarış cədvəlinə başçılıq edir. “Azəryol”, “Bakı” və “Qarabağ”ın hərəyə 10 xalı var. “Dinamo” ilə “İdman Akademiyası” hələ ki 3 xalla kifayətlənir. Sonuncu yerdəki “Təhsil”in aktivində isə 2 xal var.

Son Xəbərlər

17.05.2024

ROPSTTM (Özbəkistan) - Azərbaycan 31:39 (18:20)...

16.05.2024

Azərbaycan – OKMK (Özbəkistan) 30:28 (18:13)...

15.05.2024

Millimiz Mərkəzi Asiyanın Açıq çempionatında qüv...

13.05.2024