Kişi həndbolçuların Azərbaycan çempionatının ən yaxşıları müəyyənləşib

01.06.2023

2725

Paylaş:

Kişi həndbolçuların başa çatan XXIX Azərbaycan çempionatının ən yaxşıları müəyyənləşib. Ölkə çempionu adına layiq görülən “İdman Akademiyası”nın 3 üzvü bu siyahıda yer alıb. Rəqib qapılarından daha çox top keçirən Fəda Yusifov ən yaxşı bombardir olub. Komandanın digər üzvləri - Hüseyn Qafarov ən yaxşı qapıçı, Sabir Nəzərəliyev ən yaxşı oyunçu statusunu qazanıb. “İdman Akademiyası”nın çalışdırıcısı, Əməkdar bədən tərbiyəsi və idman xadimi Vidadi Əliyev isə mövsümün ən yaxşı baş məşqçisi adına layiq görülüb.
Avropa Həndbol Federasiyasının deleqatı İsgəndər Əsgərov çempionatın ən yaxşı nümayəndəsi, Ələkbər Ağakişiyev - Ernest Ağakişi tandemi isə ən yaxşı hakimi olub.
Xatırladaq ki, “İdman Akademiyası” çempionatın qızıl, “Dinamo” gümüş, “Məhsul” bürünc medallarına sahib çıxıb.