Kişi həndbolçuların Azərbaycan çempionu son turda müəyyənləşib. Mingəçevirin “Kür” Olimpiya İdman Tədris Mərkəzində keçirilən oyunda yerli “Kür”lə paytaxtın “Bakı” komandası qarşılaşıb. Bu görüş ərəfəsində rəqibləri cəmi iki xal ayırırdı. “Kür” 28 xalla yarış cədvəlinin birinci, “Bakı” 26 xalla ikinci pilləsində qərarlaşmışdı. Şəxsi oyunlarda üstün olan “Bakı” final xarakterli görüşdə qələbə sayəsində çempionluğu rəsmiləşdirəcəkdi. “Kür”ə isə bunun üçün heç-heçə də kifayət edirdi. Ernest Ağakişi ilə Famil Qasımovun idarə etdiyi oyunun deleqatları beynəlxalq dərəcəli hakimlər İsgəndər Əsgərovla Ələkbər Ağakişiyev olub. Oyuna daha inamlı başlayan Mingəçevir həndbolçularının fəallığı bəhrəsiz qalmayıb. İlk dəqiqələrdən təşəbbüsə yiyələnməyə çalışan ev sahibi tədricən favorit statusunu təsdiqləməyə nail olub. Bu işdə komandanın qapıçısı Aleksandr Milinkoviçin də rolu az olmayıb. Bir neçə epizodda qapısını real qoldan xilas edən həndbolçu komanda yoldaşlarını qələbəyə ruhlandırıb. Yerli azarkeşlərin də güclü dəstəyi ilə irəli atılan “Kür” effektli hücumlar sayəsində ilk hissəni üstün tamamlamağı bacarıb – 11:7.
İkinci hissədə vəziyyəti dəyişməyə çalışan “Bakı” hücuma atılıb. Amma Sabir Nəzərəliyev və komanda yoldaşları rəqibin ciddi müqaviməti ilə üzləşiblər. Qapıçının inamlı oyunu və müdafiədəki intizamlı çıxışla diqqət çəkən “Kür” fərqin azalmasına imkan verməyib. Bu azmış kimi qonaqlar matçın son iki dəqiqəsini bir nəfər azlıqda mübarizə aparmalı olublar. Teymur Axundov komandasının onsuz da çətin vəziyyətini bir qədər də çətinləşdirib. Bundan layiqincə faydalanan ev sahibi üstünlüyü sonadək qoruyaraq oyunu qələbə ilə başa vurub -23:18 və “Kür” Azərbaycan çempionudur. Son oyunda məğlubiyyətlə barışan “Bakı” yarışın gümüş, “Azəryol” komandası isə bürünc medalları ilə kifayətlənməli olub.
XXXI Azərbaycan çempionatı: VI turun oyun cədvəli
1730
01.11.2024
Həndbolçularımız Ukraynada keçirilən beynəlxalq turnirə qələbə ilə başlayıblar
2540
10.04.2017
Azərbaycan çempionatı: III turun son oyunu
1810
30.09.2024
Lider inamlı qələbə qazandı
2127
25.03.2024
Çimərlik həndbolu üzrə ikinci ölkə çempionatı başlanır
2391
18.08.2017
“Azəryol ” ilk görüşünü qələbə ilə başa vurub
2903
17.11.2018
Həndbolçularımız beynəlxalq turnirə qatılıblar
2412
07.02.2018
Yeniyetmə həndbolçularımız “Challenge Trophy” turnirində mübarizəyə başlayırlar
2405
29.05.2018