“Challenge Trophy” turnirində finalçılar müəyyənləşib

03.06.2018

2623

Paylaş:

Bosniya və Herseqovinanın Tuzla şəhərində 2000-2001-ci il təvəllüdlü qızlar arasında keçirilən “Challenge Trophy” yarışının finalçıları məlumdur.

Yarımfinal görüşündə Lüksemburq seçməsinə 32:20 hesabı ilə qalib gələn Belçika komandası həlledici mərhələyə yüksəlib. Digər finalçı isə Estoniya kollektivini 30:24 hesabı ilə üstələyən Bosniya və Herseqovina kollektividir. Bürünc medalların sahibi Lüksemburq - Estoniya matçında məlum olacaq.

Günün paralel keçirilən digər oyunlarında Azərbaycan komandası Moldova millisinə 22:32 hesabı ilə uduzub. "KSPC Mejdan" arenada keçirilən görüşdə “söz sahibi” Bosniya və herseqovinalı İvan Dzolic və İvan Sarac olub. Avropa Həndbol Federasiyasını isə rusiyalı Luidmila Bodnieva və avstriyalı Helmut Ville təmsil edib.

Kipr - Böyük Britaniya matçında ada təmsilçiləri növbəti məğlubiyyətlə barışıblar - 19:24.

Təsəlliverici görüşlərdə Moldova Kiprlə, Azərbaycan Böyük Britaniya ilə qarşılaşacaq. Nəticələrə əsasən, 5-6 və 7-8-ci yerlərin sahibləri məlum olacaq.

Xatırladaq ki, yarışa iyunun 3-də yekun vurulacaq.

Son Xəbərlər

22.07.2026

22 İyul - Milli Mətbuat Günüdür

26.06.2026

26 iyun – Azərbaycan Respublikasının Silahlı Qüvvə

15.06.2026

Milli Qurtuluş Günü Azərbaycan dövlətçiliyinin xil...

28.05.2026