Həndbol üzrə Bakı şəhər birinciliyinə yekun vurulub

30.01.2023
1385
Paylaş:

2 fevral - Gənclər Günü münasibəti ilə “AHF Arena”da həndbol üzrə 9 komandanın iştirakı ilə 2008-2009-cu il təvəllüdlü və daha kiçik yaşlı yeniyetmə oğlanlar və qızlar arasında həndbol üzrə Bakı şəhər birinciliyinə yekun vurulub.
Bakı şəhər Gənclər və İdman Baş İdarəsi və AHF-nin birgə təşkilatçılığı ilə keçirilən yarışda Respublika Kompleks İdman Məktəbinin (RKİM) komandası, 2 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) təmsilçiləri, 6 saylı İxtisaslaşdırılmış Olimpiya Ehtiyatları Uşaq-Gənclər İdman Məktəbinin (İOEUGİM) həndbolçuları iştirak ediblər.
Yarışın son günündə qızların turnirində 6 saylı İOEUGİM-1 kollektivi 2 saylı RİOEUGİM-1 komandasına 14-7, 2 saylı RİOEUGİM-1 6 saylı İOEUGİM-3 komandasına 10-5 hesabı ilə qalib gəlib.
Oğlanların turnirində isə 2 saylı RİOEUGİM 6 saylı İOEUGİM-2 kollektivini məğlub edib – 13:6.
Bağlanış mərasimində çıxış edən AHF-nin idman şöbəsinin müdiri İsgəndər Əsgərov, Olimpiya çempionu Lüdmila Şubina və Bakı Şəhər Gənclər və İdman Baş İdarəsinin rəis müavini Rəşad Əliyev iştirakçıları təbrik edərək onlara qarşıdakı yarışlarda da uğurlar arzulayıb.
Bakı birinciliyinin yekunlarına əsasən 6 saylı İOEUGİM-1 komandası qızların yarışında baş mükafata layiq görülüb. 6 saylı İOEUGİM-2 ikinci, 2 saylı RİOEUGİM-1 üçüncü yeri tutub.
Oğlanların yarışı 6 saylı İOEUGİM-1 komandasının qələbəsi ilə yekunlaşıb. 2 saylı RİOEUGİM gümüş, 6 saylı İOEUGİM-2 bürünc medallara layiq görülüb.
Qeyd edək ki, ilk üçlükdə qərarlaşan komandalar respublika birinciliyində iştirak hüququ qazanıblar.

Digər Xəbərlər

Bakıda 17 yaşadək həndbolçu qızların Avropa çempionatı başlayır

1308 04.08.2023

31 Dekabr - Dünya Azərbaycanlılarının Həmrəyliyi Günü və Yeni İliniz Mübarək!

361 31.12.2024

Avropa Kuboku: “Brixen” (İtaliya) - “Azəryol” (Azərbaycan) 37:19

1085 21.10.2023

Çimərlik həndbolu üzrə ikinci Azərbaycan çempionatında mübarizə yekunlaşır

1291 20.08.2017

Azərbaycan çempionatında növbəti turların oyunları keçirilib

1390 20.03.2023

Seçmə komandamız təlim-məşq toplanışlarını davam etdirir

1374 03.04.2017

Mingəçevirin “Nur” komandası EHF kuboku uğrunda yarışda ilk oyununu keçirib

1461 17.09.2017

Zəfər Gününüz Mübarək!

1220 08.11.2023