Baş məşqçi: Uğurlu nəticəyə nail olmaq üçün əlimizdən gələni edirik

25.04.2026

Paylaş:

Kişi həndbolçulardan ibarət “Qarabağ” klubunun baş məşqçisi Sabir Nəzərəliyev Azərbaycan Həndbol Federasiyasının mətbuat xidmətinin suallarını cavablandırıb. Həmin müsahibəni təqdim edirik:
-Çempionatın artıq həlledici mərhələsidir. “Qarabağ” turnir cədvəlində ilk pillədə qərarlaşıb. Yarışın sonuna kimi komandanız lider mövqeyində qala biləcəkmi?
-Çempionat uzun müddətli yarış olduğu üçün burada istər-istəməz zədələr olur, oyunçular fiziki gücdən düşürlər. Çalışırıq ki, yarışın sonuna kimi komandamız lider mövqeyində qərarlaşsın. Lakin çox gərgin mübarizə gedir. Yekunda uğurlu nəticəyə nail olmaq üçün əlimizdən gələni edirik.
-“Qarabağ”ın çempionatda əsas rəqibi “Bakı”, yoxsa “Kür” komandasıdır?
-“Bakı” və “Kür” Azərbaycan çempionu və ölkə kubokunun qalibi olub. “Qarabağ”ın hələ ki, heç bir çempionluğu, titulu yoxdur. Bu komandalar bizə ən böyük rəqibdir. Hazırda həm “Kür”, həm də “Bakı” çempionluğa oynayır və buna layiqdirlər. Yeganə məqsədimiz bu komandaları qabaqlamaqdır.
-Komandada gənc oyunçuların çıxışlarını necə qiymətləndirirsiniz?
-Komandalar arasında ən gənc oyunçulara malik klub məhz “Qarabağ”dır. Biz də gənclərimizin inkişafına üstünlük veririk. Onlar da bu etimadı doğruldurlar. Bunun üçün gənc həndbolçulara təşəkkür edirəm.
-Avropa miqyaslı yarışlara qatılmaqla bağlı planlar varmı?
-Avropa miqyaslı yarışlar barədə danışmaq hələ tezdir. Çünki çempionat hələ davam edir. Əlbəttə, qitə turnirlərində iştirak vacibdir. Bu heyətimizdə olan gənc idmançıların inkişafı baxımından önəmlidir. Onlar beynəlxalq yarışda özlərini doğrultmalı, Avropa və dünya həndbolunun təcrübəsindən yararlanmalıdırlar. Lakin biz hazırda Avropa miqsaylı yarışlara qatılsaq belə, ciddi uğurlar əldə etmək çətin olacaq. Çünki, heyətimizdə olan gənc oyunçuların böyük təcrübə toplamasına ehtiyac var.

Son Xəbərlər

23.04.2026

“Kür” fəxri mükafata daha yaxındır...

20.04.2026

“Kür” inamla çempionluğa doğru irəliləyir...

14.04.2026

Ölkə çempionatı: “İdman Akademiyası”-“Qarabağ” 29...

14.04.2026

Ölkə çempionatı: “İdman Akademiyası”-“Qarabağ” 29...

Baş məşqçi: Uğurlu nəticəyə nail olmaq üçün əlimizdən gələni edirik

Son Xəbərlər

23.04.2026

20.04.2026

14.04.2026

14.04.2026

Digər Xəbərlər