“Azəryol” gərgin mübarizədən qalib ayrıldı

23.03.2024

1654

Paylaş:

Kişi həndbolçuların Azərbaycan çempionatında 15-ci tura “Azəryol” – “Bakı” görüşü ilə start verilib. “AHF Arena”da keçirilən açılış matçı gərgin və maraqlı mübarizə vəd edirdi. Liderlər qrupunda qərarlaşan komandaların oyununu referilər Ləman Həmidova ilə Aydan Hüseynova idarə edib. Görüşün deleqatı isə beynəlxalq dərəcəli hakim Ələkbər Ağakişiyev olub. Ötən tur Mingəçevirdə yerli “Kür”lə gərgin mübarizədən xalla ayrılan “Bakı” komandası bu oyuna da iddialı çıxsa da rəqibin ciddi müqaviməti ilə üzləşib. Hər iki komandanın ilk dəqiqələrdən təşəbbüsə yiyələnməyə çalışdığı görüşün birinci hissəsində azarkeşlər demək olar ki, bərabər səviyyəli oyun izləyiblər. Fasiləyə yaxın qapıya zərbələri daha dəqiq yerinə yetirən “Bakı” ilk hissəni 2 xallıq üstünlüklə başa vurmağı bacarıb - 17:15. Eldar Fərəcovun komandası

üstünlüyü ikinci hissədə də davam etdirməyə çalışıb. Amma, mübarizədən qopmayan “Azəryol” rəqibin fərqi artırmasına imkan verməyib. Matçın 43-cü dəqiqəsində hesabda irəli çıxan “Azəryol” inamlı oyun sayəsində təşəbbüsü ələ alıb. Qapıçı Əziz Mansurovun da seyvləri sayəsində fərqi artırmağa nail olan ev sahibləri azarkeşlərini qələbəyə ümidləndiriblər. “Bakı” hücumların kəsərini artırmaqla vəziyyəti dəyişməyə çalışsa da istəyini reallaşdıra bilməyib. Xüsusilə sona iki dəqiqədən də az qalmış Teymur Axundovun komandasını azlıqda qoyması matçın nəticəsinə təsirsiz ötüşməyib. Say üstünlüyündən yararlanan “Azəryol” gərgin qarşılaşmadan qələbə ilə ayrılıb – 38:34. Beləliklə, əzmkar qələbə qazanan “Azəryol” həm əsas rəqiblərindən birini 2 xal qabaqlayıb, həm də çempionluq yolunda önəmli addım atıb.

Bu gün qadın həndbolçuların Azərbaycan çempionatında da bir oyun keçirilib. 13-cü turun “Azəryol” - “İdman Akademiyası” görüşü gözlənildiyi kimi nominal ev sahibinin qələbəsi ilə nəticələnib. İlk hissəsi 27:14 hesabı ilə bitən qarşılaşmanın fasiləsindən sonra da üstünlüyü əldən verməyən “Azəryol” pərəstişkarlarını növbəti qələbə ilə sevindirib - 52:25.

Son Xəbərlər

21.12.2025

"Kür" yeni mövsümdə doğma azarkeşləri qarşısında i

20.12.2025

"Bakı" ilk hissədə rəqibin müqaviməti ilə üzləşsə

20.12.2025

Favoritlərdən daha bir qələbə...

19.12.2025

"Qarabağ"in kişi və qadın komandaları 3-cü turu qə

“Azəryol” gərgin mübarizədən qalib ayrıldı

Son Xəbərlər

21.12.2025

20.12.2025

20.12.2025

19.12.2025

Digər Xəbərlər