Azərbaycan Həndbol Federasiyasının təşkilatçılığı ilə Ulu Öndər Heydər Əliyevin anadan olmasının 99-cu ildönümünə həsr olunmuş həndbol üzrə yeniyetmələr arasında ənənəvi rayon turnirinə start verilib.
Göygöl Olimpiya İdman Kompleksində keçirilən yarışdan əvvəl Azərbaycan Həndbol Federasiyasının prezidenti Saleh Məmmədov və Göygöl rayonunun İcra hakimiyyətinin nümayəndəsi ümummilli lider Heydər Əliyevin abidəsini ziyarət edərək ulu öndərin xatirəsinə ehtiramlarını bildiriblər.
Açılış mərasimində iştirakçıları salamlayan federasiya prezidenti Saleh Məmmədov ümummilli lider Heydər Əliyevin Azərbaycana rəhbərliyi dövründə ölkə idmanının inkişafında əvəzsiz rolundan və əldə olunan nəticələrdən söz açıb. Ulu öndərin bu sahəyə göstərdiyi diqqət və qayğıdan danışan federasiya rəhbəri onun xatirəsinə həsr olunmuş yarışa qatılan həndbolçulara uğurlar arzulayıb.
Turnirdə Gəncə, Mingəçevir, Göygöl, Qazax və Ağstafadan ümumilikdə 6 komandasının 70-ə yaxın yeniyetmə həndbolçusu qələbə uğrunda mübarizə aparır.
Yarışları federasiyanın prezidenti Saleh Məmmədovla yanaşı, gənclər və idman naziri Fərid Qayıbov, nazir müavini Mariana Vasileva və Azərbaycan Velosiped Federasiyasının prezidenti Mədət Quliyev də izləyib.
Qeyd edək ki, turnirdə ilk 3 yeri tutan həndbolçulara diplom və hədiyyələr təqdim olunacaq. Qalib və mükafatçılar sentyabrda Bakıda keçiriləcək final mərhələsinə vəsiqə qazanacaqlar.
29.04.2024
“Kür” yenidən zirvəni ələ keçirdi...
28.04.2024
“Qarabağ” favorit statusunu təsdiqlədi...
Seçmə komandamız açıq Avropa turnirində ilk qələbəsini qazanıb
668 03.07.2018
Azərbaycan kuboku turnirində növbəti oyunlar keçirilib
636 22.01.2020
Qadın həndbolçularımız təlim-məşq toplanışlarını davam etdirir
629 07.07.2022
Avropa çempionatının qrup mərhələsinin üçüncü turunun oyunları keçirilib
407 07.08.2023
“Qarabağ” favorit statusunu təsdiqlədi
39 28.04.2024
X turun növbəti oyunlarının nəticələri
131 10.02.2024
XXIX Azərbaycan çempionatına kişi həndbolçuların mübarizəsi ilə start verilib
616 11.11.2022
“Challenge Trophy” yarışının qalibi məlumdur
692 06.04.2018