“Bakı” liderlə xal fərqini aradan qaldırdı

29.04.2024

2037

Paylaş:

“Bakı” liderlə xal fərqini aradan qaldırdı

Kişi həndbolçuların Azərbaycan çempionatında 18-ci turun oyunları keçirilib. Maraqlı mübarizə vəd edən görüşlərdən birində “Bakı” ilə “Azəryol” üz-üzə gəlib. Mükafatlar uğrunda yarışan komandaların “AHF Arena”da keçirilən oyununu beynəlxalq dərəcəli referilər Ələkbər Ağakişiyevlə Ernest Ağakişi idarə edib. Qarşılaşmanın deleqatı beynəlxalq dərəcəli hakim Vaqif Əliyev olub. Ötən tur “Qarabağ”la oyunda yüksək əzmkarlıqla məğlubiyyətdən qurtulan “Bakı” meydançaya ruh yüksəkliyi ilə çıxmışdı. Mingəçevirdə ağır məğlubiyyətə uğrayan “Azəryol” da azarkeşlərini sevindirmək niyyətində idi. Hər iki komandanın qələbə əzmi ilk dəqiqələrdən özünü büruzə verib. Effektli hücumlarla müşaiyət olunan xala-xal prinsipi ilk hissənin hesabında da əksini tapıb. Rəqiblər fasiləyə nominal ev sahibinin cəmi 2 top fərqli üstünlüyü ilə yollanıblar - 16:14.

İkinci hissəyə fəal başlayan “Azəryol” tezliklə geriliyi aradan qaldırmaqla azarkeşlərini ümidləndirib. Dərhal toparlanan “Bakı” yenidən hesabda irəli çıxıb. Ümumiyyətlə oyunun gedişində üstünlük gah bu, gah da digər komandanın tərəfində olub. Təsadüfi deyil ki, sona iki dəqəqə qalmış tablodakı rəqəmlər 29:29-u göstərib. Amma matçın sonluğunu daha inamlı keçirən Sabir Nəzərəliyev və komanda yoldaşları azarkeşlərini sevindirməyi bacarıblar – 31:29.

Bu qələbə ilə xallarını 24-ə çatdıran “Bakı” lider “Kür”lə fərqi aradan qaldırıb.

Son Xəbərlər

28.05.2026

28 May - Müstəqillik Gününüz mübarək!

27.05.2026

Müqəddəs Qurban bayramınız mübarək!...

15.05.2026

Qadın həndbolçuların ölkə çempionatında XV turdan ...

13.05.2026

Ölkə çempionatı: “Qarabağ”-“İdman Akademiyası” 2...

“Bakı” liderlə xal fərqini aradan qaldırdı

Son Xəbərlər

28.05.2026

27.05.2026

15.05.2026

13.05.2026

Digər Xəbərlər