Həndbol üzrə ölkə kuboku yarışlarınna yekun vurulub.
“ABU Arena”da təşkil olunan final mərhələsində meydançaya əvvəlcə qadın həndbolçular çıxıblar. Maraqlı mübarizə vəd edən “Azəryol” - “Azərsu” görüşündə “Azərsu”nun imkanlarını yüksək qiymətləndirənlər yanılıblar. Ölkə çempionatının lideri rəqibin kuboka gedən yolunu kəsə bilməyib. Hücumları daha effektli alınan “Azəryol” 29:20 hesablı qələbə ilə yarışın baş mükafatına layiq görülüb.
Kişi həndbolçuların Azərbaycan kubokunun final matçında isə “Məhsul” və “Bakı” komandaları münasibətləri aydınlaşdırıblar.
Görüş boyu yüksək əzmkarlıq göstərən rəqiblərin məsələni əsas vaxtda həll etmək istəyi alınmayıb. Hakimin final fiti səslənərkən, tabloda hesab 28:28 olub. Qalibi müəyyənləşdirmək üçün penalti seriyasına ehtiyac duyulub ki, bu mübarizədən də “Bakı” məğlub ayrılıb. Rəqibdən fərqli olaraq 2 penaltini dəqiq yerinə yetirən “Məhsul” həndbolçuları ölkə kubokunu başları üzərinə qaldırıblar.
Final oyunlarından sonra mükafatlandırma mərasimi olub. Qalibləri təbrik edən Azərbaycan Həndbol Federasiyasının vitse-prezidenti Orxan Abbasov dekabrda start verilən yarışın uğurla başa çatdığını vurğulayıb. Ölkədə idmanın inkişafına göstərilən yüksək dövlət qayğısından söz açan federasiya rəsmisi son illərdə həndbol sahəsindəki irəliləyişləri də bunun məntiqi nəticəsi kimi qiymətləndirib. Qaliblərə qarşıdakı beynəlxalq yarışlarda uğurlar arzulayan Orxan Abbasov finalda uduzan komandaların üzvlərinə ruhdan düşməməyi tövsiyyə edib.
06.05.2024
“Kür” çempionluğa doğru inamla irəliləyir...
06.05.2024
“Bakı” çempionluq imkanlarını qorudu...
29.04.2024
“Kür” yenidən zirvəni ələ keçirdi...
Bugünkü oyunların nəticələri
144 06.02.2024
Avropa çempionatı: İsrail - Farer adaları 22:38
506 06.08.2023
Həndbolçular növbəti Azərbaycan çempionatına hazırlığa start veriblər
563 19.07.2017
Qadın həndbolçulardan ibarət “Nur” klubu Avropa Həndbol Federasiyası kubokunda növbəti oyununu keçirib
642 16.10.2017
Azərbaycan kubokunda 1/2 finalçılar məlumdur
706 26.01.2020
Orxan Abbasov AHF-nin tədbirlərinə qatılacaq
977 21.01.2020
Azərbaycan Həndbol Federasiyasının nümayəndələri paytaxtda və bölgələrdə görüşlər keçiriblər
797 07.02.2017
Azərbaycan Avrokuboklarda qadınlardan ibarət dörd komanda ilə təmsil olunacaq
641 26.06.2018