Bakıda Ümummilli Lider Heydər Əliyevin xatirəsinə həsr olunan beynəlxalq həndbol turnirinə yekun vurulub.
Yarışın qalibi “Azəryol”la Özbəkistan milli komandasının oyununda müəyyənləşib. Gözlənildiyi kimi maraqlı idman mübarizəsi şəraitində keçən qarşılaşmada “Azəryol”u favorit sayanlar yanılmayıblar. Fasiləyə iki topluq üstünlüklə yollanan həndbolçularımız ikinci hissədə də təşəbbüsü əldən verməyiblər. Özbəkistan millisinin bütün cəhdlərinə rəğmən üstünlüyü qoruyan “Azəryol” 32:29 hesablı qələbə ilə turnirin qalibi adını qazanıb.
Üçüncü yer uğrunda görüş də Azərbaycan təmsilçisinin qələbəsi ilə nəticələnib. Qazaxıstanın “Astana” kollektivi ilə oyunda daha inamlı oyun nümayiş etdirən “Qarabağ” 32:28 hesablı qələbə ilə mükafatçılar sırasında yer alıb. Astana (Qazaxıstan), Kür və “Alatau Arulary” (Qazaxıstan) müvafiq olaraq sonrakı yerlərdə qərarlaşıb.
Yarış başa çatdıqdan sonra Azərbaycan Həndbol Federasiyasının baş katibi Yusif Atakişiyev, Olimpiya çempionu Lüdmila Şubina və Gənclər və İdman Nazirliyinin nümayəndəsi Erkan Sağdıçın iştirakı ilə mükafatlandırma mərasimi keçirilib. Fərqlənən komandalara kubok, diplom və hədiyyələr, yarışın qalibi “Azəryol”a isə, həmçinin fəxri kubok təqdim olunub.
15.09.2024
Azərbaycan çempionatı: I turun son oyunu...
Həndbol üzrə XXIX Azərbaycan çempionatına yekun vurulub
885 29.05.2023
Həndbol üzrə Azərbaycan çempionatında birinci dövrə yekunlaşıb
821 20.02.2017
Həndbol üzrə Azərbaycan çempionatında mübarizə davam edir
983 17.02.2017
Azərbaycan çempionatında daha 3 oyun keçirilib
890 12.11.2017
IX turun son oyunlarının nəticələri
358 04.02.2024
Həndbolçularımız Bakıda keçiriləcək Avropa çempionatına hazırlaşırlar
654 28.07.2023
Nasser Salimi: Azərbaycan gəzməli-görməli yerləri və qonaqpərvər insanları ilə məni valeh edib
808 17.06.2022
Yeniyetmə həndbolçularımız “Challenge Trophy” turnirində növbəti oyunu keçiriblər
953 31.05.2018