Yeniyetmə həndbolçularımız “Challenge Trophy” turnirində növbəti oyunu keçiriblər

31.05.2018

1818

Paylaş:

Bosniya və Herseqovinanın Tuzla şəhərində 2000-2001-ci il təvəllüdlü qızlar arasında keçirilən “Challenge Trophy” yarışının ikinci turu yekunlaşıb.

“B” qrupunda yarışan həndbolçularımız növbəti oyun günündə Lüksemburq millisi ilə üz-üzə gəlib. Gərgin mübarizə şəraitində keçən görüşdə qalib müəyyənləşməyib: 27:27. “KSPC Mejdan”da keçirilən qarşılaşmanı macarıstanlı Zsofia Marton və Eszter Szabo idarə edib. Avropa Həndbol Federasiyasının təmsilçiləri isə rusiyalı Lyudmila Bodniyeva və bolqarıstanlı Rositza Dimkova olub.

Qrupun digər qarşılaşmasında Bosniya və Herseqovina seçməsi Böyük Britaniya kollektivinə 34:20 hesabı ilə qalib gəlib.

Komandamız mayın 31-də yekunlaşacaq qrup mərhələsinin son turunda Böyük Britaniya kollektivi ilə qarşılaşacaq. Digər oyunda ev sahibləri Lüksemburqla üz-üzə gələcəklər.

Qeyd edək ki, “A” qrupunun oyunları belə nəticələnib: Estoniya - Kipr 34:14, Belçika - Moldova 37:28. Qrup mərhələsinin son turunda Belçika Kiprlə, Estoniya isə Moldova ilə qarşılaşacaq.

Son Xəbərlər

29.08.2025

Bakıda Ulu Öndər Heydər Əliyevin xatirəsinə həsr o...

25.08.2025

Ümummilli Lider Heydər Əliyevin xatirəsinə həsr ol...

22.07.2025

22 iyul Milli Mətbuat Günüdür

18.07.2025