Azərbaycan çempionu yeni mövsümə qələbə ilə başladı

14.09.2024

1301

Paylaş:

Qadın həndbolçuların XXXI Azərbaycan çempionatının ilk turunda maraqlı görüşlərdən biri “Azəryol” və “Qarabağ” komandaları arasında olub. “AHF Arena”da keçirilən mərkəzi oyunu beynəlxalq dərəcəli hakimlər Vaqif Əliyevlə Ələkbər Ağakişiyev idarə edib. Qarşılaşmanın deleqatı isə Avropa Həndbol Federasiyasının nümayəndəsi İsgəndər Əsgərov olub. Ötən mövsümün qalibi ilə bürünc mükafatçısının görüşü gərgin və maraqlı mübarizə vəd edirdi. Gözlənildiyi kimi oyuna daha inamlı başlayan ölkə çempionu tədricən təşəbbüsə yiyələnib. Hissənin ortalarına doğru bunu hesabda əks etdirməyi bacaran “Qarabağ” fasiləyə 17:10 hesablı üstünlüklə yollanıb. Qarşılaşmanın ikinci hissəsi daha maraqlı mübarizə ilə yadda qalıb. Xeyli fəallaşan “Azəryol” komandası geriliyi aradan qaldırmaq üçün yüksək əzmkarlıq göstərib. Nominal qonaqlar rəqibin təhlükəli həmlələrini dəf edərkən kobudluqdan da çəkinməyiblər ki, bu, qırmızı vərəqəyə də gətirib çıxarıb. 54-cü dəqiqədə Leyla İbrahimovanın meydançadan kənarlaşdırılması “Azəryol” üçün say üstünlüyü qazandırsa da, qapıçı İrina Pançenkonun həm bu, həm də digər oyun epizodlarındakı inamlı çıxışı nəticəyə təsirsiz ötüşməyib. Vəziyyəti dəyişmək istəyən “Azəryol” çox çalışsa da, gücü yalnız fərqi 3 topadək endirməyə çatıb. Beləliklə, “Qarabağ” mövsümə 26:23 hesablı qələbə ilə başlayıb.
Kişi həndbolçulardan ibarət “Kür” komandası da, yeni mövsümə uğurla start verib. İlk turda “Qarabağ”ın qonağı olan Mingəçevir təmsilçisi azarkeşlərini 45:19 hesablı qələbə ilə sevindirib.

Son Xəbərlər

27.11.2025

“IHF Trophy” turniri: Azərbaycan - Kosovo 24:34 (1...

26.11.2025

“IHF Trophy” turniri: Böyük Britaniya- Azərbaycan ...

24.11.2025

Gənc həndbolçularımız Kosovada güclərini sınayacaq...

24.11.2025

Azərbaycanlı hakimlər Avropa Liqasınnın oyununu id...

Azərbaycan çempionu yeni mövsümə qələbə ilə başladı

Son Xəbərlər

27.11.2025

26.11.2025

24.11.2025

24.11.2025

Digər Xəbərlər