Həndbol üzrə Azərbaycan çempionatlarında VIII turun oyunları keçirilib.
Qadınların yarışında tura “Bakı” – “Kür” görüşü ilə start verilib. Oyunun aşkar favoriti sayılan Mingəçevir təmsilçisi gözlənildiyi kimi aktivinə növbəti qələbəni yazdırıb - 44:12.
“İdman Akademiyası” – “Azəryol” matçı da daha təcrübəli həndbolçulardan ibarət olan komandanın xeyrinə nəticələnib. Rəqibi əksər göstəricilərdə üstələyən “Azəryol” meydançadan inamlı qələbə ilə ayrılıb – 17:40. Turun son qarşılaşmasında isə “Qarabağ” “Gənclər Birliyi”ni böyük hesablı məğlubiyyətə uğradıb - 39:10.
“Qarabağ” 14 xalla çempionatın lideridir. “Azəryol”un 13, “Kür”ün 11 xalı var. “İdman Akademiyası” ilə “Bakı” hərəyə 6 xalla 4-cü, 5-ci yerləri bölüşür. Autsayder “Gənclər Birliyi” hələ ki, xal qazana bilməyib.
Kişilərin çempionatında VIII tur “Təhsil” – “Kür” matçı ilə başlanıb. Qonaqların tam üstünlüyü ilə yadda qalan oyun 22:40 hesabı ilə nəticələnib. “Qarabağ” - “Azəryol” görüşündə ikincilərin qələbəsinə inananlar yanılmayıblar. İnamlı oyun göstərən “Azəryol” azarkeşlərinin etimadını doğruldub - 36:29.
Turun ən gərgin və maraqlı qarşılaşması “Dinamo” və “İdman Akademiyası” komandaları arasında olub. Nominal ev sahibləri fasiləyə bir xallıq üstünlüklə yollansalar da görüş 26:26 hesabı ilə başa çatıb. Aktivində 14 xalı olan “Kür” çempionatın lideridir. “Azəryol” ondan 4 xal geri qalır. “Bakı” ilə “Qarabağ”ın hərəyə 8, “Dinamo” ilə “İdman Akademiyası”nın 3 xalı var. “Təhsil” 2 xalla autsayderdir.
09.05.2024
9 May -faşizm üzərində Qələbə günüdür...
06.05.2024
“Kür” çempionluğa doğru inamla irəliləyir...
Yeniyetmə həndbolçuların 14-cü açıq Avropa çempionatına yekun vurulub
620 07.07.2018
Yeniyetmə həndbolçular yarışlarda iştirak ediblər
744 03.06.2022
Təcrübəli həndbol mütəxəssisi İsgəndər Əsgərov Avropa çempionatında
630 30.06.2022
Azərbaycan çempionatı: II dövrənin növbəti turları yekunlaşıb
688 06.03.2023
Beynəlxalq dərəcəli həndbol hakimlərimiz növbəti təyinat alıblar
619 31.10.2022
"Qarabağ" liderlə xal fərqinin artmasına imkan vermədi
695 18.12.2019
"Bakı" komandası mübarizəni dayandırıb
830 14.10.2018
Qadın həndbolçularımız “Bakı-2017”-nin ilk matçında Özbəkistan millisi ilə üz-üzə gələcək
612 22.04.2017