Həndbol üzrə Azərbaycan çempionatında mübarizənin qızğın çağıdır.
Yarışın “AHF Arena” da keçirilən növbəti oyun günlərində əvvəlkilərdən fərqli olaraq, həm qadın, həm də kişi həndbolçuları mübarizə aparıblar. 13-cü turun ilk matçında “İdman Akademiyası” “U-16” ilə qarşılaşıb. Tələbələrin üstünlüyü ilə yadda qalan oyun 41:23 hesabı ilə başa çatıb. Turun “Qarabağ” - “Azəryol” görüşü daha gərgin idman mübarizəsi şəraitində keçib. Bu qarşılaşmada qonaqların qələbəsinə inananlar yanılmayıblar. Yüksək əzmkarlıq göstərən “Azəryol” rəqibi məğlubiyyətlə barışdırıb. 35:31.
Maraqlıdır ki, U-16 və “İdman Akademiyası” komandalarının 14-cü turdakı dueli də eyni hesabla nəticələnib - 41:23.
“Azəryol”la “Qarabağ”ın növbəti görüşü də gərgin mübarizə ilə yadda qalıb. Bir tur əvvəlki məğlubiyyətin əvəzini çıxmağa çalışan “Qarabağ”ın yüksək əzmkarlığı azarkeşlər tərəfindən alqışla qarşılanıb. Gənclər və İdman naziri Fərid Qayıbov, nazir müavini Mariana Vasilevanın izlədiyi matç daha inamlı oyun nümayiş etdirən “Azəryol”un qələbəsi ilə başa çatıb – 30:28.
Aktivinə 34 xalı yazdıran “Azəryol” çempionatın lideridir. “İdman Akademiyası” ondan 14 xal geri qalır. “Qarabağ”ın 18, “Azərsu”nun 9, U-16-nın 3 xalı var.
Kişi həndbolçuların ölkə çempionatının 13-cü turunun “Dinamo” –“Məhsul” görüşündə yarış cədvəlindəki mövqeyini yaxşılaşdırmaq niyyətində olan “dinamoçular” mübariz xarakter nümayiş etdiriblər. Oyun 27:22 hesabı ilə nominal ev sahibinin xeyrinə nəticələnib. “Dinamo” komandasının 14-cü turun görüşündə də asan qələbə qazandığını söyləmək olmaz. Rəqibə ciddi müqavimət göstərən “Məhsul” həndbolçuları çox çalışsalar da, 1 top fərqi ilə məğlub olublar – 26:27.
10 oyundan sonra 27 xal toplayan “İdman Akademiyası” liderliyi davam etdirir. “Təhsil” 21 xalla 2-ci, “Dinamo” 18 xalla 3-cüdür. “Məhsul” 17 xalla 4-cü yerdədir. RİOEUGİM və U-16-nın hərəyə 3 xalı var. “Bakı” 1 xalla autsayderdir.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
İsgəndər Əsgərov növbəti təyinatlar alıb
644 06.10.2022
"Olimpiya" Azərbaycan çempionatında ilk qələbəsini qazanıb
971 26.10.2018
İsgəndər Əsgərov yeni təyinat alıb
301 30.11.2023
Liderlərin növbəti qələbəsi
685 09.12.2019
“İdman interaktivi. Həndbol” adlı layihə çərçivəsində ustad dərsləri keçirilib
361 08.10.2023
Azərbaycan Həndbol Federasiyasının hakimləri beynəlxalq oyunları idarə edəcəklər
726 25.02.2017
Azərbaycan çempionatı, II tur: Oyun cədvəli
320 17.11.2023
Həndbol üzrə Azərbaycan kuboku uğrunda yarışa start veriləcək
724 15.12.2017