Martın 20-də həndbol üzrə XXVIII Azərbaycan çempionatına start verilib.
Çempionatın açılış oyununda Şağan Olimpiya İdman Kompleksində kişilərdən ibarət “Gənclər Birliyi” və “Bakı” komandaları üz-üzə gəliblər. Oyun “Bakı” kollektivinin 34:15 hesablı qələbəsi ilə yekunlaşıb.
Sonra meydana qadın həndbolçular çıxıblar. “İdman Akademiyası” komandası ilə görüşən "Qarabağ" klubu qarşılaşmanı öz xeyrinə başa vurub - 43:24.
Azərbaycan Respublikasının Dövlət Himni səsləndirildikdən sonra çempionatın açılış mərasimi keçirilib.
Mərasimdə çıxış edən Azərbaycan Həndbol Federasiyasının (AHF) vitse-prezidenti Orxan Abbasov AHF-nin prezidenti Saleh Məmmədovun salamlarını və bayram təbriklərini yarış iştirakçılarına çatdırıb. Ölkədə idmana göstərilən yüksək diqqət və qayğıya görə Azərbaycan Prezidenti, Milli Olimpiya Komitəsinin rəhbəri İlham Əliyevə və Birinci vitse-prezident Mehriban Əliyevaya dərin minnətdarlığını ifadə edən O.Abbasov bu gün həndbolçular üçün ikiqat bayram olduğunu xüsusi vurğulayıb.
Vitse-prezident pandemiya şəraiti ilə əlaqədar uzun sürən fasilədən sonra həndbol üzrə növbəti çempionatın keçirilməsinə göstərilən dəstəkdən danışaraq Gənclər və İdman Nazirliyinə təşəkkürünü bildirib.
Yeni mövsümün gərgin və maraqlı mübarizə şəraitində keçəcəyinə inandığını bildirən federasiya rəsmisi çempionatında yarışan komandalara uğurlar arzulayıb.
Açılış mərasimi başa çatdıqdan sonra kişilərin mübarizəsində U 16 – U 18 İdman Akademiyası komandalarının görüşü heç-heçə başa çatıb - 29:29.
Daha sonra meydançaya çıxan “Azəryol” və “Azərsu” kollektivlərinin görüşündə daha inamlı oyun göstərən “Azəryol” rəqibini böyük hesabla məğlub edib - 34:3.
İlk oyun gününün sonuncu "Təhsil" - "Məhsul" matçı isə gərgin və maraqlı idman mübarizəsi şəraitində keçib. Tərəflərin cəhdlərinə baxmayaraq, görüş sülhlə yekunlaşıb - 26:26
Xatırladaq ki, martın 26-da isə “Bakı – “Təhsil”, “Qarabağ” – “Azəryol”, U 18 İdman Akademiyası – “Gənclər Birliyi”, “Azərsu” – “İdman Akademiyası”, “Məhsul” – U 16 qarşılaşmaları keçiriləcək.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
Qadın həndbolçuların Azərbaycan çempionatında VII turdan sonra turnir cədvəli
168 23.01.2024
Bakıda beynəlxalq həndbol turnirinə start verilib
746 08.05.2019
İsgəndər Əsgərov İsrailə yollanıb
688 22.10.2019
Qadın həndbolçularımız beynəlxalq turnirdə daha bir qələbə qazanıblar
595 13.04.2017
Həndbol üzrə XXV Azərbaycan çempionatına hazırlıq işləri yekunlaşmaq üzrədir
557 29.09.2017
Həndbol üzrə qadınlardan ibarət millilərinin Avropa zonası üzrə seçmə mərhələsinin oyunları başlanılıb
629 03.11.2022
“Qarabağ” çətin dueldən qələbə ilə ayrıldı
52 20.04.2024
Liderlərdən növbəti qələbə
590 17.02.2018