Qadın həndbolçuların yarışının ardınca bu gün kişilərin çempionatında da həlledici görüşlər olub.
Daha böyük maraqla gözlənilən “Məhsul” - “Bakı” matçı gərgin mübarizə şəraitində keçib. Qızıl medallara iddialı rəqiblərin oyununda əsas vaxt 32:32 hesabı ilə bitdiyindən qalib penaltilər seriyasında müəyyənləşib. 7 metrlik zərbələri daha dəqiq yerinə yetirən “Bakı” 35-32 hesablı qələbə ilə Azərbaycan çempionu adına sahib çıxıb. Digər qarşılaşmada “Təhsil” “RİOEUGİM” komandasını 45-28 hesabı ilə məğlub edərək bürünc medallara yiyələnib.
Fəxri kürsüyə qalxan komandalara, həmçinin fərdi nominasiyalar üzrə fərqlənən idmançılara, AHF-nin fəxri diplom və mükafatları təqdim olunub.
Qeyd edək ki, Elnur Cahangirovla Yelizaveta Hilyazəddinova “ən yaxşı qapıçı”, Dmitri Çapliginlə Valentina Yankovskaya “ən yaxşı oyunçu” adına layiq görülüb.
Çempionatın bağlanış mərasimində iştirakçılara Azərbaycan Həndbol Federasiyasının prezidenti Saleh Məmmədovun salamlarını çatdıran federasiyanın vitse-prezidenti Orxan Abbasov ölkədə idmana göstərilən yüksək dövlət qayğısından söz açaraq beynəlxalq arenalarda qazanılan uğurların məhz bunun məntiqi nəticəsi kimi qiymətləndirib. Yarışın qalib və mükafatçılarını təbrik edən federasiya rəsmisi onlara gələcək yarışlarda da uğurlar arzulayıb. Fəxri kürsüdən kənarda qalan həndbolçulara ruhdan düşməməyi tövsiyə edən vitse-prezident səhvlərdən nəticə çıxarmağın və yeni mövsümə daha yüksək hazırlıq keçməyin vacibliyini vurğulayıb. 24-cü ölkə çempionatı ilə müqayisədə başa çatan mövsümün daha gərgin və maraqlı mübarizə ilə yadda qaldığını deyən Orxan Abbasov növbəti çempionata yeni komandaların qatılması və rəqabətin yüksəldilməsi üçün bütün qüvvələrin səfərbər olunacağını bildirib.
Qeyd edək ki, həndbol üzrə ölkə çempionatında 6 qadın, 4 kişi komandası qələbə uğrunda mübarizə aparıb. 2017-ci il oktyabr ayının 17-də start verilən yarışlarda ümumilikdə 84 oyun keçirilib.
29.04.2024
“Kür” yenidən zirvəni ələ keçirdi...
28.04.2024
“Qarabağ” favorit statusunu təsdiqlədi...
Həndbol üzrə Azərbaycan çempionatında növbəti qarşılaşma keçirilib
892 15.02.2019
Azərbaycan Həndbol Federasiyası ilin ən yaxşı federasiyası seçilib
718 20.12.2017
Həndbolçularımız Rusiyada keçiriləcək beynəlxalq turnirdə iştirak edəcək
765 30.05.2019
Orxan Abbasov “Dövlət qulluğunda fərqlənməyə görə” medalı ilə təltif edilib
1292 23.06.2020
“Bakı” liderlə xal fərqini aradan qaldırdı
36 29.04.2024
Azərbaycan çempionatında növbəti turun oyunları keçirilib
606 22.01.2023
Həndbol üzrə 30-cu Azərbaycan çempionatına start verilib
336 13.11.2023
Həndbol üzrə iyirmi altıncı Azərbaycan çempionatında növbəti oyun keçirilib
950 08.04.2019