Həndbol qaydaları
Oyun təqvimi
Xal cədvəli
Xəbərlər
Əlaqə

Həndbol üzrə 30-cu Azərbaycan çempionatına start verilib

13.11.2023
2283
Paylaş:

Həndbol üzrə 30-cu Azərbaycan çempionatına start verilib. 


Yubiley yarışında ilk turun oyunları keçirilib. “AHF Arena” və Mingəçevir “Kür” Olimpiya Tədris-İdman Mərkəzində təşkil olunan qarşılaşmalarda azarkeşlər maraqlı mübarizələrin şahidi olublar. 


Kişilərin turnirində 7, qadınların yarışında isə 6 komanda fəxri mükafatlar uğrunda mübarizəyə başlayıblar.


Kişilərin yarışında yeni mövsüm “İdman Akademiyası” və “Dinamo” həndbolçularının qarşılaşması ilə start götürüb. “AHF Arena”da təşkil olunan görüş “İdman Akademiyası”nın 36-21 hesablı qələbəsi ilə yekunlaşıb.


Turun mərkəzi oyunu “Azəryol” və “Qarabağ” arasında olub. Nominal qonaqlar ilk hissədə 13-7 hesabı ilə önə keçiblər. Fasilədən sonra “Azəryol” həndbolçuları rəqiblərinə ciddi müqavimət göstəriblər. Hətta matçın sonlarına yaxın meydan sahibləri fərqi minimuma endirməyə də nail olublar. Lakin daha inamlı oyun nümayiş etdirən “Qarabağ” gərgin mübarizənin yekununda 25-22 hesabı ilə qalib gəlib.


“Kür” Olimpiya Tədris-İdman Mərkəzində keçirilən “Kür” – “Təhsil” matçında isə meydan sahibləri çətinlik çəkmədən qələbə qazanıblar. “Kür” həndbolçularının 50 dəqiq zərbəsinə qonaqlar 17 qolla cavab veriblər. 


Qadınların çempionatında mövsümün ilk görüşü “Bakı” və “İdman Akademiyası” arasında keçirilib. “Tələbələr” 11 top fərqi ilə üstün olublar. 33-22.


“Kür” Olimpiya Tədris-İdman Mərkəzində isə yerli “Kür” komandası “Qarabağ”ı qəbul edib. Paytaxt klubu ilk hissəni 13-10 hesabı ilə xeyirinə tamamlayıb. İkinci yarıda “Kür” həndbolçuları fəallaşsalar da, məğlubiyyətdən xilas ola bilməyiblər. Beləliklə görüş “Qarabağ”ın 25-24 hesablı qələbəsi ilə başa çatıb. 


Gənclər və İdman Nazirliyi və Azərbaycan Həndbol Federasiyasının birgə təşkil etdiyi yarışın ikinci turunun oyunları noyabrın 18-i və 19-da keçiriləcək.

14.04.2026

Ölkə çempionatı: “İdman Akademiyası”-“Qarabağ” 29 ...

14.04.2026

Ölkə çempionatı: “İdman Akademiyası”-“Qarabağ” 29 ...

12.04.2026

Ölkə çempionatı: “Bakı”-“ Kür” 16:31 (8:15) ...

06.04.2026

Həndbol qaydaları Azərbaycan dilində çapdan çıxıb ...
Hamsına bax

Digər Xəbərlər

“Nur” növbəti qələbəsini qazanıb

2658 15.03.2018

Ölkə çempionatında növbəti oyunlar olub

2363 03.12.2022

Ölkə çempionatı: X turun nəticələri

140 11.03.2026

Həndbol üzrə XXV Azərbaycan çempionatına hazırlıq işləri yekunlaşmaq üzrədir

2372 29.09.2017

İsgəndər Əsgərov Bolqarıstan-Türkiyə oyununa təyinat alıb

270 06.01.2026

“Bakı” mərkəzi oyunda əzmkar qələbə qazanıb

1272 09.02.2025

Beynəlxalq turnirin yarımfinalçıları müəyyənləşib

1851 30.08.2024

Azərbaycan və Şimali Makedoniya milli komandaları qarşılaşacaqlar

2030 03.04.2024