Lənkəranda həndbol üzrə rayon birinciliyinin qalibi müəyyənləşib

06.02.2026

147

Paylaş:

Azərbaycan Həndbol Federasiyasının dəstəyi, Lənkəran-Astara Regional Gənclər və İdman İdarəsinin təşkilatçılığı ilə həndbol üzrə rayon birinciliyinə yekun vurulub.

Lənkəranın ümumtəhsil məktəblərini təmsil edən 16 komanda 2 qrupda mübarizə aparıb.

İki gün davam edən yarışın finalında Lənkəran şəhər 2 və 6 nömrəli orta məktəblərin komandaları üz-üzə gəlib.

Qarşılaşmanın əsas vaxtında qalib müəyyənləşmədiyi üçün tərəflər yeddi metrlik cərimə zərbələri ilə mübarizəyə yekun vurublar. Penaltiləri daha dəqiq yerinə yetirən 2 nömrəli tam orta məktəbin komandası turnirin qalibi olub. Şıxakəran tam orta məktəbin komandası isə üçüncü yeri tutub.

Qaliblərə diplomlar və hədiyyələr təqdim olunub.

Reqlamentə əsasən, şəhər 2 nömrəli məktəbin komandası kubokla yanaşı, Azərbaycan birinciliyinin zona yarışlarına vəsiqə qazanıb.