Azərbaycan çempionatında növbəti turun oyunları olacaq

14.02.2025

1498

Paylaş:

Fevralın 15-də həndbol üzrə Azərbaycan çempionatlarında növbəti turlara start veriləcək. İlk oyun günündə əvvəlcə kişilərin yarışında V-VI yerlər uğrunda mübarizə aparan U-17 və “Dinamo” komandaları meydançaya çıxacaqlar. XIV turun “AHF Arena”da təşkil olunacaq qarşılaşması saat 10:00-da başlanacaq.

Həmin gün saat 12:00-da qadın həndbolçuların çempionatının final mərhələsinin “Azəryol” – “Qarabağ” görüşü start götürəcək. XII turun “AHF Arena”da keçiriləcək oyunu böyük maraqla gözlənilir. I-IV yerlər uğrunda yarışan rəqiblər növbəti qələbə ilə azarkeşlərini sevindirməyə çalışacaqlar.

Fevralın 16-da diqqətlər Mingəçevirə yönələcək. Həmin gün “Kür” Olimpiya Tədris-İdman Mərkəzində iki oyun keçiriləcək. Kişilərin mübarizəsində çempionluğa iddialı “Kür” saat 13:00-da XIV tur çərçivəsində əsas izləyicisi “Bakı”nı qəbul edəcək. Saat 15:00-da isə qadınlardan ibarət “Kür” komandası XII turun görüşündə “İdman Akademiyası” ilə üz-üzə gələcək.

Fevralın 17-də də iki qarşılaşma olacaq. Saat 15:30-da “AHF Arena”da qadınlardan ibarət “Gənclər Birliyi” və “Təhsil” V-VI yerlər uğrunda yarışın XII turunda üz-üzə gələcək. Saat 19:30-da isə I-IV yerlər uğrunda mübarizə aparan kişilərdən ibarət “Azəryol” və “Qarabağ” komandaları XIV turun oyununda meydançaya çıxacaqlar.

Son Xəbərlər

26.06.2026

26 iyun – Azərbaycan Respublikasının Silahlı Qüvvə

15.06.2026

Milli Qurtuluş Günü Azərbaycan dövlətçiliyinin xil...

28.05.2026

28 May - Müstəqillik Gününüz mübarək!

27.05.2026