Beynəlxalq turnirin yarımfinalçıları müəyyənləşib

30.08.2024

1852

Paylaş:

Bakıda Ümummilli Lider Heydər Əliyevin xatirəsinə həsr olunan beynəlxalq həndbol turnirində bu gün daha iki oyun keçirilib.
Qrup mərhələsinin son turunda əvvəlcə “Kür” və “Azəryol” komandaları üz-üzə gəliblər. “AHF Arena”da keçirilən görüşdə daha inamlı oyun göstərən “Azəryol” 27:18 hesabı ilə qələbə qazanıb.
Yarışın favoritlərindən sayılan “Qarabağ” isə Qazaxıstanın “Alatau Alurary” komandası ilə görüşdə də etimadı doğruldub. Gərgin və maraqlı mübarizə ilə yadda qalan oyun Azərbaycan çempionunun xeyrinə nəticələnib – 35:31. Bu qələbə ilə aktivinə 4-cü xalı yazdıran “Qarabağ” “B” qrupunda liderliyi təmin edib. Özbəkistan millisi ilə “Alatau Alurary” kollektivləri hərəyə 1 xalla sonrakı pillələrdə qərarlaşıblar. “A” qrupunda “Astana” 4 xalla 1-ci, “Azəryol” 2 xalla ikinci yeri tutub. Xal toplaya bilməyən “Kür” 3-cü olub.
Beləliklə, sabah keçiriləcək yarımfinal görüşlərində “Astana” Özbəkistan millisi ilə, “Qarabağ” isə “Azəryol”la qarşılaşacaq. “Kür” və “Alatau Alurary” komandaları isə beşinci – altıncı yerlər uğrunda oyunda üz-üzə gələcəklər.
Beynəlxalq turnirə sentyabrın 1-də yekun vurulacaq.

Son Xəbərlər

14.04.2026

Ölkə çempionatı: “İdman Akademiyası”-“Qarabağ” 29...

14.04.2026

Ölkə çempionatı: “İdman Akademiyası”-“Qarabağ” 29...

12.04.2026

Ölkə çempionatı: “Bakı”-“ Kür” 16:31 (8:15)...

06.04.2026

Həndbol qaydaları Azərbaycan dilində çapdan çıxıb...

Beynəlxalq turnirin yarımfinalçıları müəyyənləşib

Son Xəbərlər

14.04.2026

14.04.2026

12.04.2026

06.04.2026

Digər Xəbərlər