Yeniyetmə həndbolçular ölkənin ən güclüsünü müəyyənləşdirəcək

27.06.2024

1951

Paylaş:

Həndbol üzrə qızlar və oğlanlar arasında Azərbaycan birinciliyinin final mərhələsinə start verilir.

Gənclər və İdman Nazirliyi, Azərbaycan Həndbol Federasiyasının birgə təşkilatçılığı ilə keçiriləcək yarışlarda 2008-ci il və aşağı yaşlı yeniyetmələr iştirak edəcək. Həm oğlanların, həm də qızların turnirində 6 komanda mübarizə aparacaq. Oğlanlar arasında ölkə birinciliyinin final mərhələsinə Bakının 2 təmsilçisi ilə yanaşı, 4 region komandası – Cəlilabad, Lənkəran, Mingəçevir və Qazax həndbolçuları vəsiqə qazanıb. Qızların mübarizəsində isə həlledcici mərhələdə paytaxtın 3 komandası, həmçinin Şirvan, Gəncə və Göygöl kollektivi fəxri mükafat uğrunda yarışacaq. Komandalar 2 qrupda mübarizə aparacaq. Azərbaycan birinciliyinin reqlamentinə əsasən qrupda ilk iki yeri tutan kollektivlər mübarizəni “play–off”da davam etdirəcək. Belə ki, A qrupunun lideri B qrupunda ikinci yerin sahibi ilə yarımfinalda üz-üzə gələcək.

İyunun 28-dən 30-dək davam edəcək turnirin görüşləri “AHF Arena” idman kompleksində keçiriləcək. Yarışın qaliblərinə diplomlar təqdim olunacaq.

Son Xəbərlər

01.05.2026

"Qarabağ" maksimum nəticə göstərən yeganə komanda

29.04.2026

Çempionluq mübarizəsi gərgin xarakter alır...

28.04.2026

Kişi həndbolçuların ölkə çempionatında XII turdan ...

25.04.2026