Bu gün “Bakı İdman Sarayı”nda həndbol üzrə Avropa çempionatının qrup mərhələsinə start verilib.
17 yaşadək qızların qatıldığı yarışda on komanda iki qrupda mübarizə aparacaq. Millimiz "A" qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. "B" qrupunda isə İspaniya, İsrail, Yunanıstan, Lüksemburq və Farer adaları komandaları qüvvəsini sınayacaq.
Çempionatın ilk matçında Farer adaları və Yunanıstan milliləri üz-üzə gəliblər. Oyundan əvvəl yarış meydanına Avropa Həndbol Federasiyasının bayrağı gətirilib. Ardınca Farer adaları və Yunanıstanın dövlət himnləri səsləndirilib.
Gərgin mübarizə şəraitində keçən qarşılaşma Farer adaları komandasının 27:22 hesablı qələbəsi ilə nəticələnib.
Günün ikinci oyununda İsrail həndbolçuları Lüksemburq millisini 1 xal fərqi ilə məğlub ediblər – 26:25.
Qeyd edək ki, hər iki oyunun EHF nümayəndəsi beynəlxalq dərəcəli deleqat, Azərbaycan Həndbol Federasiyasının İdman şöbəsinin müdiri İsgəndər Əsgərov olub.
Sloveniya – Bosniya və Herseqovina görüşündə Sloveniya millisi qələbə qazanıb - 41:27.
Bu oyundan sonra keçirilən açılış mərasimində yarış iştirakçılarını salamlayan gənclər və idman naziri Fərid Qayıbov Azərbaycanda idmana göstərilən dövlət qayğısından söz açaraq ölkəmizin ev sahibliyi etdiyi beynəlxalq yarışlar haqqında məlumat verib, Avropa çempionatının yüksək təşkilatçılığına görə Azərbaycan Həndbol Federasiyasına təşəkkürünü bildirib.
Azərbaycanın ilk dəfə olaraq həndbol üzrə Avropa çempionatına ev sahibliyi etdiyini vurğulayan AHF-nin vitse-prezidenti Orxan Abbasov idman sahəsinə göstərilən diqqət və qayğıya görə ölkə başçısı İlham Əliyevə və birinci vitse-prezidenti Mehriban Əliyevaya təşəkkürünü bildirib.
Avropa Həndbol Federasiyasının nümayəndəsi Stefan Lonqen də öz növbəsində yarışın yüksək səviyyədə təşkil olunması və göstərilən qonaqpərvərliyə görə Azərbaycan Həndbol Federasiyasına minnətdarlığını ifadə edib.
Ardınca Azərbaycanın dövlət himni səsləndirilib.
Rəqs qrupunun təqdim etdiyi bədii hissə alqışlarla qarşılanıb.
Millimiz Avropa çempionatında ilk oyununu Gürcüstan seçməsinə qarşı keçirib. Maraqlı idman mübarizəsi ilə yadda qalan oyun rəqib komandanın qələbəsi ilə başa çatıb - 39:13.
Qarşılaşmanın ən yaxşı oyunçularına xatirə hədiyyəsi verilib.
Qeyd edək ki, Avropa çempionatına avqustun 13-də yekun vurulacaq.
17.05.2025
Ölkə çempionatına yekun vurulub...
14.05.2025
"Qarabağ" və "Bakı"dan qələbə
13.05.2025
Ölkə çempionatında növbəti tur başlanır...
Həndbol üzrə Azərbaycan çempionatında yenilk qeydə alınıb
1463
20.10.2017
Avropa çempionatı: LTU (Litva) - GEO (Gürcüstan) 37:23
1180
07.08.2023
"Bakı" "Qarabağ"ı üstələd
153
19.04.2025
Çempionluq uğrunda mübarizə davam edir
91
09.05.2025
Azərbaycan çempionatında daha 2 oyun keçirildi
364
14.01.2025
Avropa kuboku: Bakı (Azərbaycan) - Lovçen Çetine (Monteneqro) 21:41
452
26.10.2024
18 noyabr 2023-cü il tarixində Azərbaycan çempionatı üzrə keçirilən oyunların nəticələri
1110
18.11.2023
“Kür” zirvəni qoruyur
163
09.04.2025