Qadın həndbolçuların Azərbaycan çempionatında XIV tura Mingəçevirdə start verilib. Yerli “Kür” komandasının “Azəryol”la görüşünü beynəlxalq dərəcəli hakimlər Ələkbər Ağakişiyevlə Ernest Ağakişi idarə edib. Bu tur ərəfəsində hərəyə 19 xalla qonşu pillələrdə qərarlaşan rəqiblərin növbəti dueli də maraqla gözlənilirdi. Gərgin mübarizə vəd edən görüşün ilk hissəsi əsasən xala-xal prinsipli oyunla yadda qalıb. Yalnız 20-ci dəqiqədən sonra təşəbbüsə yiyələnən meydança sahibləri hesabda irəli çıxmağı bacarıblar. “Azəryol”un fərqi aradan qaldırmaq cəhdləri uğursuz alınıb. Daha kəsərli hücumlar quran Mingəçevir həndbolçuları üstünlüyü qorumaqla fasiləyə 16:10 hesablı qələbə ilə yollanıblar.
Görüşün ikinci hissəsi ev sahibinin tam nəzarətində keçib. Qonaqların vəziyyəti dəyişmək üçün bütün cəhdlərinin qarşısını inamla alan “Kür” rəqibin müqavimətini kəskin həmlələrlə qırıb. Qapıçı Anastasiya Koquruçin də inamlı çıxışı sayəsində qarşıya qoyulan tapşırığı layiqincə yerinə yetirən Mingəçevir həndbolçuları etimadı doğruldublar. Rəqibi əksər göstəricilərdə üstələyən “Kür” azarkeşlərinə növbəti qələbə sevinci yaşadıb – 34:23. Əyalət təmsilçisi bu qələbə ilə lider “Qarabağ”la xal fərqini 1-ə endirib.
13.05.2024
“Kür” Azərbaycan çempionudur...
X turun növbəti oyunlarının nəticələri
150 10.02.2024
Azərbaycanın həndbol komandalarının avrokubok yarışlarındakı rəqibləri müəyyənləşəcək
573 16.07.2018
Azərbaycan çempionu Danimarka təmsilçisi ilə qarşılaşacaq
721 04.10.2017
Qadın həndbolçularımız açıq Avropa turnirinə qatılacaqlar
582 05.03.2018
Həndbol üzrə XXIX Azərbaycan kubokuna start verilir
591 09.05.2023
“Qarabağ” və “Azəryol” kollektivləri növbəti qələbəni rəsmiləşdiriblər
647 08.11.2017
Azərbaycanlı hakimlər Avropa kubokunun 1/2 matçında
675 17.03.2023
Avropa Həndbol Federasiyasının nümayəndəsi İsgəndər Əsgərov Türkiyədə keçiriləcək oyuna dəvət alıb
716 30.12.2021