“AHF Arena”da kişilər arasında keçirilən son iki turun oyunları ilə həndbol üzrə XXIX Azərbaycan çempionatına yekun vurulub.
XXVII turun ən maraqlı görüşündə “İdman Akademiyası” ilə “Bakı” üz-üzə gəlib. Gərgin mübarizə ilə yadda qalan oyunun əsas vaxtı 39:39 hesabı ilə bitdiyindən məsələyə aydınlıq gətirmək üçün penaltilərə ehtiyac duyulub. Zərbələri daha dəqiq yerinə yetirən “tələbələr” növbəti qələbəni rəsmiləşdiriblər - 42:41.
Turun digər oyunlarında “Məhsul” “Dinamo”ya 35:27, “Təhsil” RİOEUGİM-ə 28:13 hesabı ilə qalib gəlib.
“Bakı” ilə “İdman Akademiyası”nın XXVIII turdakı dueli də gərgin və maraqlı mübarizə şəraitində keçib. Bu qarşılaşmanın da əsas vaxtı bərabərliklə bitib – 35:35. Penaltilərdən bu dəfə daha yaxşı yararlanaraq “Bakı” istəyini reallaşdıra bilib – 37:36. “Dinamo” – “Məhsul” görüşü 13:17, RİOEUGİM – “Təhsil” matçı 19:24 hesabı ilə nəticələnib.
Sonra ölkə çempionatının bağlanış mərasimi olub.
28 may Müstəqillik günü münasibəti ilə iştirakçıları təbrik edən AHF-nin baş katibi Yusif Atakişiyev, İdman şöbəsinin müdiri İsgəndər Əsgərov, Olimpiya çempionu Lyudmila Şubina bu dəfəki çempionatın daha gərgin mübarizə şəraitində keçdiyini bildirib, bu mövsüm komandaların sayının artırılmasını sevindirici hal kimi qiymətləndiriblər.
Dövlət himni səsləndirildikdən sonra komandalara diplom medal və hədiyyələr təqdim olunub.
Nəticələrə əsasən, kişi həndbolçular arasında “İdman Akademiyası” 60 xalla Azərbaycan çempionu adına layiq görülüb. “Dinamo” 52 xala ikinci, “Məhsul” 50 xalla üçüncü yeri tutub.
Qadınlar arasında mübarizədə isə “Azəryol” qızıl, “Qarabağ” gümüş, “İdman Akademiyası” isə bürünc medallara layiq görülüb.
Qeyd edək ki, Gənclər və İdman Nazirliyi və Azərbaycan Həndbol Federasiyasının birgə təşkil etdiyi yarışda ümumilikdə 7 kişi (Bakı, Təhsil, Məhsul, İdman Akademiyası, Dinamo, RİOEUGİM, U-16) və 5 qadın (Azəryol, Qarabağ, İdman Akademiyası, Azərsu, U-16) kollektivi mübarizə aparıb.
29.04.2024
“Kür” yenidən zirvəni ələ keçirdi...
28.04.2024
“Qarabağ” favorit statusunu təsdiqlədi...
Həndbol hakimlərimiz nüfuzlu yarışlarda
621 21.04.2022
Yeniyetmə həndbolçularımız açıq Avropa turnirinə qatılacaqlar
587 21.06.2018
Nasser Salimi: Yaxın gələcəkdə Azərbaycan həndbolunun Avropada öz sözünü deyəcəyinə ümid edirəm
702 13.07.2022
Bakı EHF kuboku yarışlarında cavab görüşünü keçirib
610 29.10.2022
Milli komandamız Maltaya yollanır
850 08.01.2019
“Bakı-2017”: Həndbolçularımız İslamiadaya uğurla başlayıblar
674 09.05.2017
XXX Azərbaycan çempionatı: I turun ilk oyunlarının nəticələri
445 11.11.2023
Seçmə komandamız açıq Avropa çempionatında Estoniya hədbolçuları ilə üz-üzə gəlib
632 04.07.2018