Həndbolçularımız Avropa çempionatının təsnifat turnirinə qələbə ilə başlayıblar

12.01.2023
1526
Paylaş:

Kişi həndbolçuların 2026-cı il Avropa çempionatının ilkin təsnifat mərhələsinə start verilib.
Milli komandamızın Böyük Britaniya, Kipr və Malta seçmələri ilə birgə yer aldığı qrupun oyunları 3 gün ərzində Bakı İdman Sarayında keçiriləcək.
Turnirin ilk matçında Böyük Britaniya və Kipr komandaları üz-üzə gəliblər. Oyundan əvvəl Avropa Həndbol Federasiyasının bayrağı meydançaya gətirilib, açılış matçının iştirakçılarının dövlət himnləri səsləndirilib. Görüş gözlənildiyi kimi gərgin mübarizə şəraitində keçib. Hər iki komanda turnirə qələbə ilə başlamağa çalışsa da, istəyinə nail ola bilməyib. Qarşılaşma 25-25 hesabı ilə başa çatıb.
Ardınca yarışın açılış mərasimi olub. Milli musiqi sədaları altında təqdim edilən müxtəlif rəqslər, kompozisiyalar maraqla qarşılanıb.
Açılış mərasimdən sonra meydançaya Azərbaycan və Malta milliləri çıxıblar. Dövlət himnləri səsləndirildikdən sonra mübarizəyə start verilib. AHF-nin prezidenti, Azərbaycan Avtomobil Yolları Dövlət Agentliyinin idarə heyətinin sədri Saleh Məmmədov, Gənclər və İdman naziri Fərid Qayıbov, müavini Mariana Vasileva, Milli Olimpiya Komitəsinin vitse-prezidenti Çingiz Hüseynzadə, Avarçəkmə Federasiyasının prezidenti Vüqar Əhmədovun da izlədiyi oyun Azərbaycan həndbolçularının tam üstünlüyü ilə keçib. Meydançaya qələbə üçün çıxan millimiz fasiləyə 18-6 hesablı üstünlüklə yollanıb. İkinci hissədə də təşəbbüsü əldən verməyən həndbolçularımız 34-25 hesabı ilə qələbə qazanıblar.
Günün hər iki görüşündən sonra ən yaxşı oyunçulara xüsusi mükafatlar təqdim olunub.
Qeyd edək ki, sabah saat 14:45-də Malta – Kipr, 17:00-da Azərbaycan – Böyük Britaniya görüşləri keçiriləcək. Yanvarın 15-də isə saat 12:45-də başlanacaq Böyük Britaniya – Malta və start fiti 15:00-da səslənəcək Kipr – Azərbaycan görüşləri ilə turnirə yekun vurulacaq.

Digər Xəbərlər

Mayın 30-u həndbol üzrə 2023/2024 mövsümünə yekun vurulacaq

754 29.05.2024

2024-cü il Avropa çempionatının təsnifat mərhələsi: Litva - Azərbaycan 41:26

897 03.03.2024

XXX Azərbaycan çempionatı: I turun son oyunlarının nəticələri

1128 12.11.2023

Hakimlərimiz Avropa Kubokunda

391 25.11.2024

“Bakı” mərkəzi qarşılaşmadan qalib ayrıldı

384 28.11.2024

“İdman interaktivi. Həndbol” adlı layihə çərçivəsində ustad dərsləri keçirilib

1097 08.10.2023

Azərbaycan kuboku yarışlarının qalibləri müəyyənləşib

1985 02.04.2019

Azərbaycan çempionatı, II tur: Oyun cədvəli

1071 17.11.2023