Kişi həndbolçuların 2026-cı il Avropa çempionatının ilkin təsnifat mərhələsinə start verilib.
Milli komandamızın Böyük Britaniya, Kipr və Malta seçmələri ilə birgə yer aldığı qrupun oyunları 3 gün ərzində Bakı İdman Sarayında keçiriləcək.
Turnirin ilk matçında Böyük Britaniya və Kipr komandaları üz-üzə gəliblər. Oyundan əvvəl Avropa Həndbol Federasiyasının bayrağı meydançaya gətirilib, açılış matçının iştirakçılarının dövlət himnləri səsləndirilib. Görüş gözlənildiyi kimi gərgin mübarizə şəraitində keçib. Hər iki komanda turnirə qələbə ilə başlamağa çalışsa da, istəyinə nail ola bilməyib. Qarşılaşma 25-25 hesabı ilə başa çatıb.
Ardınca yarışın açılış mərasimi olub. Milli musiqi sədaları altında təqdim edilən müxtəlif rəqslər, kompozisiyalar maraqla qarşılanıb.
Açılış mərasimdən sonra meydançaya Azərbaycan və Malta milliləri çıxıblar. Dövlət himnləri səsləndirildikdən sonra mübarizəyə start verilib. AHF-nin prezidenti, Azərbaycan Avtomobil Yolları Dövlət Agentliyinin idarə heyətinin sədri Saleh Məmmədov, Gənclər və İdman naziri Fərid Qayıbov, müavini Mariana Vasileva, Milli Olimpiya Komitəsinin vitse-prezidenti Çingiz Hüseynzadə, Avarçəkmə Federasiyasının prezidenti Vüqar Əhmədovun da izlədiyi oyun Azərbaycan həndbolçularının tam üstünlüyü ilə keçib. Meydançaya qələbə üçün çıxan millimiz fasiləyə 18-6 hesablı üstünlüklə yollanıb. İkinci hissədə də təşəbbüsü əldən verməyən həndbolçularımız 34-25 hesabı ilə qələbə qazanıblar.
Günün hər iki görüşündən sonra ən yaxşı oyunçulara xüsusi mükafatlar təqdim olunub.
Qeyd edək ki, sabah saat 14:45-də Malta – Kipr, 17:00-da Azərbaycan – Böyük Britaniya görüşləri keçiriləcək. Yanvarın 15-də isə saat 12:45-də başlanacaq Böyük Britaniya – Malta və start fiti 15:00-da səslənəcək Kipr – Azərbaycan görüşləri ilə turnirə yekun vurulacaq.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
Avropa çempionatında qrup mərhələsinin 4-cü turuna start verilib
352 09.08.2023
Azərbaycan və Şimali Makedoniya milli komandaları qarşılaşacaqlar
98 03.04.2024
Milli komandamız Maltaya yollanır
835 08.01.2019
“Azəryol” və “Qarabağ” həndbol komandaları növbəti qələbələrini qazanıblar
596 17.01.2023
Avropa çempionatı: GEO (Gürcüstan) - BİH (Bosniya və Herseqovina) 20:38
378 10.08.2023
“Azərsu” üçüncü dövrəyə qələbə ilə başladı
694 24.01.2019
Qadın həndbolçuların Azərbaycan çempionatında I turdan sonra turnir cədvəli
337 14.11.2023
Ölkə çempionu ilk məğlubiyyətlə barışdı
707 18.11.2019