Minayə Məmmədova: “Komandada dəyişikliklərin olması daha çox uğur qazanmağımıza imkan yaradacaq”

24.09.2025

484

Paylaş:

Yeni mövsümdə “Kür” komandasının şərəfini qoruyacaq Minayə Məmmədova handball.az-a müsahibə verib.
- "Qarabağ"ı "Kür"ə dəyişməyinizdə əsas məqsəd nə oldu?
- Özümü yeni klubda sınamaq istədim və mənə “Kür” komandasından təklif gəldi. Fikirləşdim ki, bu klub daha perspektivlidir və ona görə də “Kür”ə keçdim.
- Ötən mövsüm "Kür" ölkə çempionatında mükafatçılar sırasına çıxsa da, qızıl medal qazana bilmədi. Necə düşünürsünüz, sizin komandaya gəlişiniz bu istiqamətdə hər hansı irəliləyişə nail ola bilərmi?
- Təkcə mənim gəlişim yox, ümumiyyətlə, komandada çoxlu dəyişikliyin olması bu mövsümdə bizim daha çox uğur qazanmağımıza imkan yaradacaq.
- "Kür"ün heyətində Avropa kubokunda çıxış edəcəksiniz. Mingəçevir klubunun qitə yarışında çıxışından nə gözləmək olar?
- Bildiyiniz kimi, biz məşqlərə avqust ayının əvvəlindən başlamışıq. Əvvəlcə fiziki hazırlıq üzərində çalışdıq, daha sonra isə zal məşqlərimiz oldu. Püşkdən sonra Portuqaliyanın “San-Pedru-du-Sul” komandası ilə qarşılaşacağımız məlum oldu. Biz dərhal rəqibi analiz etməyə başladıq. Hazırda da bu prosesi davam etdiririk. Taktikamızı qururuq və düşünürəm ki, məşqlərdə göstərdiyimiz əzm və birlik bu komandaya qarşı yaxşı çıxış etməyimizə kömək edəcək. İnşallah hər iki oyunda qələbə qazanıb növbəti mərhələyə vəsiqə əldə edəcəyik.

Son Xəbərlər

15.11.2025

Millimizin Özbəkistanla oyununun başlama saatı də...

15.11.2025

İslamiada: Millimiz Özbəkistan yığması ilə qarşı...

15.11.2025

Özbəkistan - Azərbaycan oyunundan Fotolar...

14.11.2025

Həndbol hakimlərimiz yeni təyinat alıblar...

Minayə Məmmədova: “Komandada dəyişikliklərin olması daha çox uğur qazanmağımıza imkan yaradacaq”

Son Xəbərlər

15.11.2025

15.11.2025

15.11.2025

14.11.2025

Digər Xəbərlər