Həndbol qaydaları
Oyun təqvimi
Xal cədvəli
Xəbərlər
Əlaqə

“Qarabağ” əzmkar qələbə qazandı

21.09.2024
1455
Paylaş:

Kişi həndbolçuların Azərbaycan çempionatı davam edir. Yarışın 2-cı turunda maraqlı görüşlərdən biri “Qarabağ” və “Dinamo” komandaları arasında olub. “AHF Arena”da keçirilən oyunu beynəlxalq dərəcəli hakim Ələkbər Ağakişiyevlə respublika dərəcəli referi Aydan Hüseynova idarə edib. Qarşılaşmanın deleqatı isə beynəlxalq dərəcəli hakim Vaqif Əliyev olub.
Oyun gözlənildiyi kimi gərgin və maraqlı mübarizə ilə yadda qalıb. Bu, həm matçın yekun hesabında, həm də, meydanda yaşananlarda əksini tapıb. Xala-xal prinsipi ilə başlayan qarşılaşmanın əvvəlində komandaların təşəbbüsə yiyələnmək cəhdləri alınmayıb. Hər iki kollektiv yüksək əzmkarlıq nümayiş etdirərək, rəqibin önə keçməsinə imkan verməməyə çalışıb. Mübarizə bəzi anlarda kobudluqlarla müşayiət olunduğundan rəqib düşərgələrdə - xüsusilə “Qarabağ”ın texniki zonasında emosiyaların coşmasına gətirib çıxarıb. Hakimlər komandanın sistematik etiraz bildirən məşqçisi Emin Aydəmirova bir neçə dəfə xəbərdarlıq etsələr də, vəziyyəti sakitləşdirmək cəhdləri alınmayıb. Nəticədə əvvəlcə sarı vərəqə alan Emin Aydəmirova ardınca iki dəqiqəlik cəza tətbiq olunub. Hakimlərin bu qərarları da nəticəsiz qaldığından, qırmızı, ardınca isə göy vərəqə ilə cəzalandırılan məşqçi oyundan kənarlaşdırılıb. Daha çox gərginliyi ilə diqqət çəkən ilk hissə “Dinamo”nun 16:14 hesablı üstünlüyü ilə yekunlaşıb. Amma, “dinamoçular” bu üstünlüyü sonadək qoruya bilməyiblər. Fasilədən sonra daha inamlı oyun göstərən “Qarabağ” fərqi aradan qaldırıb. Bununla kifayətlənməyən nominal qonaqların təhlükəli hücumları bəhrəsiz qalmayıb. Rəqibdən fərqli olaraq, imkanlardan daha layiqli yararlanan “Qarabağ” görüşü qələbə ilə başa vurub - 31:28. Günün digər matçında “Azəryol” U-17 komandasını 64:19 hesabı ilə məğlub edib.
Qadın həndbolçuların ölkə çempionatında isə, “Azəryol” “Bakı”ya böyük hesabla qalib gəlib – 48:7.

10.10.2025

“Bakı”  Avropa Kubokunda ciddi sınaq qarşısında ...

10.10.2025

Azərbaycan çempionu Avropa Kuboku turnirinə Macari ...

09.10.2025

Təcrübəli həndbolçunun karyerasında yeni mərhələ ...

07.10.2025

Aleksandr Revva: “Müdafiədə zəif çıxışımız məni ç ...
Hamsına bax

Digər Xəbərlər

Favoritlərin mübarizəsindən “Məhsul” qalib ayrıldı

2365 10.02.2019

Azərbaycan çempionatında növbəti turun oyunları olacaq

1002 14.02.2025

Qadın həndbolçulardan ibarət millimiz “Bakı-2017”nin qalibidir

2056 14.05.2017

Həndbol üzrə XXV Azərbaycan çempionatına hazırlıq işləri yekunlaşmaq üzrədir

2014 29.09.2017

Bakıda həndbolçular üçün ustad dərsləri təşkil olunub

1722 12.08.2023

"Qarabağ"-"Azərsu" görüşündə gərgin mübarizə qeydə alınıb

2228 02.12.2017

Beynəlxalq dərəcəli həndbol hakimlərimiz nüfuzlu yarışa təyinat alıblar

1966 22.09.2023

18 noyabr 2023-cü il tarixində Azərbaycan çempionatı üzrə keçirilən oyunların nəticələri

1792 18.11.2023