Lider inamlı qələbə qazandı

25.03.2024

960

Paylaş:

Qadın həndbolçuların Azərbaycan çempionatının 13-cü turunda diqqətlər “Qarabağ” – “Kür” görüşünə yönəlmişdi. Yarışın lideri ilə ən yaxın izləyicisinin oyununu beynəlxalq dərəcəli referi Ələkbər Ağakişiyevlə respublika dərəcəli hakim Eldar Əmirov idarə edib. Matçın deleqatı isə Avropa Həndbol Federasiyasının nümayəndəsi İsgəndər Əsgərov olub. Maraqlı mübarizə vəd edən qarşılaşmaya daha fəal başlayan ev sahibləri ilk dəqiqələrdən üstünlüyə yiyələnməyə çalışıblar. Qonaqların müdafiədə buraxdığı səhvlər bu istəyin reallaşmasına yardımçı olub. Bunun məntiqi nəticəsi kimi hesabda irəli çıxan “Qarabağ” fasiləyə 6 xallıq üstünlüklə yollanıb – 16:10.

Görüşün ikinci hissəsi də meydança sahiblərinin nəzarətində keçib. Hesabdakı üstünlüyü qorumaq üçün həm müdafiədə, həm də hücumda daha diqqətli çıxış edən “Qarabağ” intizamlı oyun sayəsində favorit statusunu təsdiqləyib. Vəziyyəti dəyişməyə çalışan “Kür”ün cəhdləri isə bəhrəsiz qalıb. Mingəçevir həndbolçuları çox çalışsalar da, istəklərinə çata bilməyiblər. Qonaqların tələsgənliyi bəzi epizodlarda əks-hücumlara yol açıb ki, bu fürsətlərdən layiqincə faydalanan Sergey Kamburun komandası matçı inamlı qələbə ilə başa vurub - 34:23.

Bu qələbə ilə xal sayını 22-yə çatdıran “Qarabağ” zirvədəki mövqeyini möhkəmlədib. “Kür” indi liderdən 3 xal geri qalır. Eyni xala malik “Azəryol” 3-cüdür. “İdman Akademiyası” 8 xalla 4-cü, “Bakı” 6 xalla 5-ci yerdədir. “Gənclər Birliyi”nin aktivində xal yoxdur.

Son Xəbərlər

14.05.2025

Azərbaycan çempionatında növbəti oyunların nəticəl...

13.05.2025

Ölkə çempionatında növbəti tur başlanır...

10.05.2025

Ümummilli Lider Heydər Əliyevi dərin hörmətlə anır...

10.05.2025

"Qarabağ" zirvəyə yaxınlaşdı

Lider inamlı qələbə qazandı

Son Xəbərlər

14.05.2025

13.05.2025

10.05.2025

10.05.2025

Digər Xəbərlər