”Bakı-2017”: Qadın həndbolçulardan ibarət komandamız ardıcıl ikinci qələbəni qazanıb

10.05.2017

1668

Paylaş:

Mayın 10-da “Bakı-2017” IV İslam Həmrəyliyi Oyunlarının həndbol yarışlarında qrup mərhələsinin ikinci turunun oyunları olub.

“Sərhədçi” İdman Olimpiya Mərkəzində keçirilən yarışda kişi həndbolçuların “A” qrupunda yer alan Əlcəzair yığma komandası Pakistan millisinə qalib gəlib - 47:24. Qrupun digər görüşündə Səudiyyə Ərəbistanı milli komandamızı məğlub edib - 38:31.

“B” qrupunun Türkiyə - İraq görüşündəki gərgin mübarizədən türkiyəli həndbolçular qalib ayrılıblar - 35:33. Mərakeş   - İordaniya matçı isə 27:16 hesabı ilə başa çatıb.

Kişi həndbolçularımızdan fərqli olaraq   qadınlardan ibarət milli ardıcıl ikinci görüşdə də qalib gəlib. Həndbolçularımız Özbəkistan kollektivi üzərində inamlı qələbə qazanıblar - 47:21.

Kamerun-Türkiyə matçında isə qardaş ölkə təmsilçiləri   33:31 hesabı ilə üstün olublar.