Klublarımız Avropa kuboku turnirində iştirak edəcək

10.07.2025

1701

Paylaş:

Ölkəmizi həndbol üzrə Avropa kuboku turnirində təmsil edəcək klublar müəyyənləşib. Nüfuzlu yarışda iki kişi və iki qadın komandamız mübarizə aparacaq. Kişi həndbolçular arasında sonuncu Azərbaycan çempionatının qalibi “Kür” və gümüş mükafatçı “Bakı” qitə yarışına qatılacaq. Avropa kuboku turnirində ilk mərhələdən azad olan təmsilçilərimiz mübarizəyə ikinci raunddan qoşulacaq. Ümumilikdə bu mərhələdə qitənin 55 komandası yarışacaq. İlk mərhələdən gələn 9 komandadan sonra iştirakçılar mübarizəni 1/32 finaldan davam etdirəcəklər. İkinci raundun ilk oyunları oktyabrın 11-12-də, cavab matçları isə 18-19-da keçiriləcək.
Qadın həndbolçuların Avropa kuboku turnirində isə ölkəmizi Azərbaycan çempionu “Azəryol” və 3-cü yerin sahibi “Kür” təmsil edəcək. Bütün komandalar yarışa ikinci mərhələdən start verəcək. Burada 50 komanda yarışacaq. Reytinq xalı yüksək olan digər 7 klub isə turnirdə 3-cü mərhələdən çıxış edəcək. İkinci raundun ilk oyunları sentyabrın 27-28-də, cavab matçları isə oktyabrın 4-5-də baş tutacaq.

Son Xəbərlər

27.05.2026

Müqəddəs Qurban bayramınız mübarək!...

15.05.2026

Qadın həndbolçuların ölkə çempionatında XV turdan ...

13.05.2026

Ölkə çempionatı: “Qarabağ”-“İdman Akademiyası” 2...

12.05.2026