Qadın həndbolçuların Azərbaycan çempionatı başa çatıb. Yarışa Mingəçevirdə yekun vurulub. “Kür” Olimpiya İdman Tədris Mərkəzində keçirilən oyunda çempion “Qarabağ” gümüş medalların sahibi “Kür”ün qonağı olub. XVI turun qarşılaşmasını Ləman Həmidova ilə Aydan Hüseynova idarə edib. Oyunun deleqatı isə beynəlxalq dərəcəli hakim Ələkbər Ağakişiyeva olub.
Bu, rəqiblərin yubiley çempionatındakı 4-cü görüşü idi. Bunadək keçirilən hər üçün oyunda “Qarabağ” qalib gəlmişdi. Mövsümün son matçında uğursuz seriyaya son qoymaq niyyətində olan Mingəçevir həndbolçuları meydançaya qələbə əzmi ilə çıxmışdılar. İstəklərini ilk dəqiqələrdən büruzə verən ev sahibləri startdakı fəallığı tabloda əks etdiriblər. Sürətli hücumları effektli alınan yerli komanda hesabda irəli çıxıb. Paytaxt həndbolçuları hissənin sonlarına yaxın fərqi iki topadək azaltsalar da fasiləyə “Kür” komandası üstün yollanıb - 16:14.
Oyunun ikinci hissəsi də eyni məcrada davam edib. Qələbəyə daha istəkli görünən Mingəçevir təmsilçisi rəqibin səhvlərindən faydalanaraq üstünlüyü bir qədər də artırıb. Bunun məntiqi nəticəsi kimi oyun 36:26 hesabı ilə başa çatıb. Qələbə sayəsində çempion “Qarabağ”la xal fərqini minimuma endirən “Kür” komandası mövsümü 25 xalla ikinci pillədə başa vurub. Aktivində 21 xalı olan “Azəryol” ilk üçlüyü qapayıb.
15.09.2024
Azərbaycan çempionatı: I turun son oyunu...
Həndbol üzrə XXVII Azərbaycan çempionatına start verilir
1027 07.10.2019
Beynəlxalq turnir: “Qarabağ” (Azərbaycan) – “Alatau Arulary” (Qazaxıstan) 35:31
51 30.08.2024
Həndbol üzrə Azərbaycan çempionatına hazırlıqla bağlı müzakirələr aparılıb
892 02.02.2017
“Nur” komandasının Avrokubok oyunlarındakı hakimləri məlumdur
801 26.08.2017
Bakıda həndbolçular üçün ustad dərsləri təşkil olunub
560 12.08.2023
Qadın həndbolçularımız çempionluğun bir addımlığında
864 14.05.2017
Azərbaycan çempionatı, II tur: Oyun cədvəli
541 17.11.2023
Qadın həndbolçularımız Ukraynaya yola düşüblər
827 08.04.2017