Azərbaycan çempionatı: Lider “Kür” mövqeyini möhkəmlədib

15.01.2024
157
Paylaş:

Həndbol üzrə Azərbaycan çempionatlarında 7-ci turun oyunları keçirilib.
Kişilərin yarışında tura “Dinamo” – “Azəryol” görüşü ilə start verilib. “AHF Arena”da keçirilən oyuna favorit qismində çıxan nominal qonaqlar etimadı doğruldublar. “Azəryol”un üstünlüyü ilə yadda qalan qarşılaşma 24:49 hesabı ilə başa çatıb.
“Təhsil” – “İdman Akademiyası” matçı daha gərgin mübarizə şəraitində keçib. Fasiləyə 3 topluq üstünlüklə yollanan “Təhsil” qalan vaxtda rəqibin vəziyyəti dəyişməsinə imkan verməyib - 30:28.
Maraqlı mübarizə vəd edən “Bakı” – “Kür” görüşündə isə qonaqların qələbəsinə inananlar yanılmayıblar. Yüksək əzmkarlıq nümayiş etdirən Mingəçevir həndbolçuları paytaxtdan uğurlu nəticə ilə dönməyi bacarıblar - 20:26.
Qadın həndbolçuların çempionatında 7-ci tur “Bakı” – “Gənclər Birliyi” matçı ilə başlanıb. İlk hissədən təşəbbüsə yiyələnən paytaxtın eyni adlı komandası fasilədən sonrakı üstünlüyünü də tabloda əks etdirib - 35:25.
“Kür” komandası da azarkeşlərini sevindirib. Mingəçevirin həndbolçuları növbəti qələbəni “İdman Akademiyası” ilə oyunda rəsmiləşdiriblər - 49:16.
7-ci tura yanvarın 21-də keçiriləcək “Azəryol” – “Qarabağ” matçı ilə yekun vurulacaq.

Digər Xəbərlər

“Azəryol” yoxlama oyununda “Karpati”yə qalib gəlib

753 03.09.2019

Həndbol üzrə Azərbaycan çempionatında növbəti qarşılaşma keçirilib

878 15.02.2019

Bakıda 17 yaşadək həndbolçu qızların Avropa çempionatı başlayır

457 04.08.2023

Avropa çempionatı: BIH (Bosniya və Herseqovina) - AZE (Azərbaycan) 61:17

468 07.08.2023

Hakimlərimiz növbəti təyinat alıblar

616 20.02.2018

Lider mövqeyini bir qədər də möhkəmlədib

710 03.11.2018

Türkiyə həndbolçuları Azərbaycan yığmasına qalib gəliblər

793 10.08.2022

"Məhsul"  əsas rəqibini üstələdi

646 18.01.2020