AHF bir qrup həndbolçunun şər-böhtanlarını və qərəzli fikirlərini rədd edir

12.11.2021
615
Paylaş:

Bir  qrup  həndbolçu  tərəfindən  ötən  gün   AHF-in  fəaliyyəti   ilə  bağlı  həqiqətə  uyğun  olmayan  məlumatlar  səsləndirilib.  Məlumatın   məğzi  bundan  ibarətdir  ki,  guya   Federasiya  maaşları  qat-qat  aşağı  salaraq   məşqləri  qeyri-iş  günlərində  davam  etdirib.  Həmçinin    istirahətə  göndərmək  məsələsi,  zalların  bağlanması   və  başqa  məqamlar  da  məlumatda   yer  alıb.

Hamıya  bəllidir  ki,  COVID  -19  pandemiyası bütün sahələr   kimi,  idman  sferasına  də təsirsiz  ötüşməyib.   Amma  buna  baxmayaraq,  il  yarım  ərzində  zallar  bağlı  olsa  da,  həndbolçular   pandemiya  dövründə   vaxtı-vaxtında  maaşlarını  alıblar.

Bütün  dünyada  tüğyan  edən  koronavirus  pandemiyası  ilə  əlaqədar  yaranan  fasilədən  sonra,  bu  ilin  avqust  ayında  məşqlərə  başlamışıq.  "ABU  Arena"da  məşq  üçün  hələlik  imkan  olmadığından,  həndbol  komandaları  Daxili  İşlər  Nazirliyinin  İdman  Cəmiyyətində  hazırlıq  keçir.

Yayda  istirahətə  göndərmək  məsələsində  normalara  riayət  edilib-edilməməsinə  gəldikdə  isə,  burada  heç  bir  problem  yoxdur.    Bütün  idman  növlərində  olduğu  kimi  avqustda  başlayan  mövsüm  mayda  başa  çatır.  Hələ  mövsümün  əvvəlində  idman  geyimləri  də  daxil  olmaqla  yanaşı,  top  və  digər  ləvazimatların   da  ən  yaxşıları  əldə  olunur  ki,  idmançıların  bu  məsələlərə   dair  şikayətləri  olmasın.

Qeyd  etmək  yerinə  düşər  ki,  hənbolçular  üçün  nəzərdə  tutulan   məvacibləri  Azərbaycan  Həndbol  Federasiyası  deyil,  klublar  təyin  edir.  Maaşların  məbləği  də  Federasiya  tərəfindən  maliyyələşən   klublar  tərəfindən  müəyyənləşdirilir.  Subyektiv  səbəblərdən  məşqlərə  qatıla  bilməyən  həndbolçuların  aylıq  məvaciblərinin  azaldılması  və  ya  kəsilməsi  Federasiya  ilə  razılaşdırmaqla     klublar   tərəfindən  həyata  keçirilir.  Məsələn,  “Bakı”  klubunun  bir  neçə  oyunçusu   ötən  ay  şəxsi  işləri  ilə  əlaqədar   əksər  məşqlərdə  iştirak  etməyiblər.  Hətta  həmin  oyunçular  vaxtilə  milli  komandaya  dəvət  olunsalar  da,  məlum  səbəblərdən   dəvəti   də  qəbul  etməyiblər.

Bütün  bunlara   baxmayaraq,  onlar  mətbuatdakı   çıxışlarının  çox  hissəsini  fəaliyyətlərindəki  nöqsanlara   deyil,  Federasiyaya   böhtan  atmağa  sərf  ediblər.  Özlərinə  haqq  qazandırmaqda   heç  bir  real  arqumentləri  olmadığı  üçün   hazırda  müxtəlif  bəhanələr  uydurmaqdadırlar.  Real  vəziyyətdən   uzaq  olan  bu  mövqe  faktiki  olaraq  onların  acizliyinin  əlamətidir.

Eyni  zamanda   təhqirə  əl  atmaqdan  belə   çəkinməyən   həmin  həndbolçuların  nəzərinə  çatdırırıq  ki,   SSRİ  yığma  komandasının  üzvü,  SSRİ  Çempionatının  mükafatçısı  Vidadi  Əliyev  "Əməkdar  bədən  tərbiyəsi  və  İdman  xadimi"  adına  layiq  görülüb  və  1981-ci  ildən  etibarən  məşqçi  kimi  fəaliyyət  göstərir.

Görəsən  idmana   dair  elementar  nəzəri  bilgisi  olmayan   sözügedən   həndbolçuların   bütün  məsələlərə  qərəzli  yanaşması   gülünc  deyilmi?

Görünən  odur  ki,  bu  cür  əsassız  məlumatların  yayılması  federasiyanın   reputasiyasına  mənfi  təsir  göstərilməsi  cəhdinin  yeni  bir   bir  nümunəsidir.

Bu  kimi  xəbərləri  böyük  təəssüf  hissi  ilə  qarşılayır  və  onların  yayılmasının  arxasında  duran  səbəblərdən  asılı  olmayaraq  bəyan  edirik  ki,  bütün  bunlar  fəaliyyətimiz   üçün   heç  bir  əngəl  törədə  bilməz.

Bir  sözlə,   bilərəkdən  belə  məlumatların  mətbuata  çıxarılmasının  səbəbi  ictimai  rəyi  çaşdırmaq,  federasiyanın   həyata  keçirdiyi  tədbirlərin  üzərinə  kölgə  salmaqdır.

O  ki  qaldı   komandalarla   görüşmək  məsələsinə,  bu  məlumatın  da  heç  bir  əsası  yoxdur.  Federasiya  tərəfindən  həndbolçularla  müntəzəm  şəkildə  görüşlər  təşkil  olunur,  onların  problemlərinin  həlli  üçün  lazımi  addımlar  atılır.  Bundan  sonra  da,  eyni  tədbirlər  davam  etdiriləcək.

 

Digər Xəbərlər

31 mart Azərbaycanlıların Soyqırımı Günüdür

209 31.03.2024

Ölkə çempionu uğurlu çıxışlarını davam etdirir

866 28.10.2018

“Azəryol” “Çağırış Kuboku”nun növbəti mərhələsinə yüksəlib

564 20.11.2017

“Azərsu” üçüncü dövrəyə qələbə ilə başladı

695 24.01.2019

Tanınmış həndbol mütəxəssisi dünyasını dəyişib

552 02.11.2022

Həndbol hakimlərimiz Ernest və Emil Ağakişi qardaşları yeni təyinat alıblar

646 18.02.2022

Azərbaycan çempionu Danimarka təmsilçisi ilə qarşılaşacaq

689 04.10.2017

Qadın həndbolçuların Azərbaycan çempionatında son iki turun oyunları ilə mübarizəyə yekun vurulub

528 21.04.2023