Bakıda keçirilən beynəlxalq turnirin qalibi müəyyənləşdi

10.05.2019

2290

Paylaş:

ABU Arenada Ümummilli lider Heydər Əliyevin anadan olmasının 96-cı ildönümünə həsr olunan ənənəvi həndbol turnirinə yekun vurulub.
Beynəlxalq yarışın son turunun görüşləri də maraqlı mübarizə ilə yadda qalıb. Azərbaycan və Gürcüstanın 24 yaşadək həndbolçulardan ibarət komandalarının qarşılaşması 27-33, əsas millimizlə İraq seçməsinin görüşü isə 21-39 hesabı ilə başa çatıb. Son turun oyunlarında U-24 seçməmizlə əsas millimizin qarşılaşması daha böyük maraq doğurub. Gərgin mübarizə şəraitində keçən oyunda gənc həndbolçular 39-34 hesabı ilə qələbə qazanıblar. İraq komandası isə Gürcüstanın U-24 komandasına aman verməyib - 41:20.
Beləliklə, rəqiblərindən daha üstün çıxış edən İraq seçməsi xatirə turnirinin qalibi adına layiq görülüb. Gürcüstan komandası 2-ci, Azərbaycanın gənc həndbolçuları 3-cü, əsas millimiz isə 4-cü yeri tutub.
Bağlanış mərasimində qalibləri təbrik edən Azərbaycan Həndbol Federasiyasının vitse-prezidenti Orxan Abbasov dəvəti müsbət qarşıladıqlarına və maraqlı mübarizəyə görə yarış iştirakçılarına minnətdarlığını bildirib. Bu cür yarışların əhəmiyyətini yüksək qiymətləndirən federasiya rəsmisi növbəti turnirlərdə komandaların sayının daha da artırılacağını vurğulayıb.
Baş mükafata sahib çıxan İraq komandasının üzvlərinə, həmçinin fərqlənən digər həndbolçulara kubok, diplom və xatirə hədiyyələri təqdim olunub.
Xatırladaq ki, 3 gün davam edən yarışda 3 ölkənin kişilərdən ibarət komandaları mübarizə aparırdı.

Son Xəbərlər

08.11.2025

Zəfər Gününüz mübarək!...

08.11.2025

İsgəndər Əsgərov “Bursa Böyükşəhər Bələdiyyəspor”-...

07.11.2025

XXXII Azərbaycan çempionatı: I turun oyun cədvəli...

07.11.2025

Həndbol üzrə Azərbaycan çempionatına start verilib...

Bakıda keçirilən beynəlxalq turnirin qalibi müəyyənləşdi

Son Xəbərlər

08.11.2025

08.11.2025

07.11.2025

07.11.2025

Digər Xəbərlər