"İdman Akademiyası" "Olimpiya" ilə oyunda qələbəni son anda əldən verib

25.10.2018

2451

Paylaş:

Oktyabrın 24-də qadın həndbolçuların Azərbaycan çempionatında bir oyun keçirilib. Tbilisidə təşkil olunan görüşdə Gürcüstanın “Olimpiya” kollektivi ilə Bakının “İdman Akademiyası” komandası üz-üzə gəlib.

Hakimlər Famil Qasımovla Eldar Əmirovun idarə etdiyi oyunda qalib müəyyənləşməyib. Baxmayaraq ki, gərgin və maraqlı mübarizə ilə yadda qalan görüşdə “İdman Akademiyası” qələbəyə yaxın olub. Matçın sonlarında rəqibi bir xal qabaqlayan Bakı həndbolçuları üstünlüyü qoruya bilməyiblər. Meydança sahiblərinin final fitinə az qalmış yerinə yetirdiyi 7 metrlik cərimə zərbəsi matçın yekun nəticəsini rəsmiləşdirib – 24:24.

Komandalar oktyabrın 26-da yenidən qarşılaşacaqlar.

Xatırladaq ki, razılaşmaya əsasən, Azərbaycan çempionatında mübarizə aparan Gürcüstanın “Olimpiya” komandası, 20 oyundan 10-nu Bakıda, qalanlarını isə Tbilisidə keçirəcək.

Son Xəbərlər

15.05.2026

Qadın həndbolçuların ölkə çempionatında XV turdan ...

13.05.2026

Ölkə çempionatı: “Qarabağ”-“İdman Akademiyası” 2...

12.05.2026

İsgəndər Əsgərov Türkiyə -Norveç oyununa təyinat a...

10.05.2026