Yeniyetmə həndbolçularımız “Challenge Trophy” turnirində ilk oyuna çıxıblar

30.05.2018

2464

Paylaş:

Milli komandamız Bosniya və Herseqovinanın Tuzla şəhərində 2000-2001-ci il təvəllüdlü qızlar arasında keçirilən “Challenge Trophy” turnirinə məğlubiyyətlə başlayıb.

İlk qarşılaşmada ev sahibləri ilə üz-üzə gələn həndbolçularımız 16:34 hesabı ilə uduzublar.

Qrupun digər matçında Lüksemburq seçməsi Böyük Britaniya kollektivinə qalib gəlib - 28:20 .

"B" qrupunda mübarizə aparan millimiz mayın 30-da Lüksemburqla qarşılaşacaq. Bosniya və Herseqovina komandasının rəqibi isə Böyük Britaniya həndbolçuları olacaq.

Qeyd edək ki, "A" qrupunda keçirilən görüşlərdə Belçika komandası Estoniya millisinə 31:18, Moldova kollektivi Kipr təmsilçisinə 30:22 hesabı ilə qalib gəlib. Yarışın ikinci günündə Kipr Estoniyanı, Belçika Moldovanı sınağa çəkəcək.

Son Xəbərlər

28.05.2026

28 May - Müstəqillik Gününüz mübarək!

27.05.2026

Müqəddəs Qurban bayramınız mübarək!...

15.05.2026

Qadın həndbolçuların ölkə çempionatında XV turdan ...

13.05.2026