Çimərlik həndbolu üzrə Azərbaycan çempionatına hazırlıqla bağlı tədbir keçirilib

29.07.2017

2316

Paylaş:

Çimərlik həndbolu üzrə Azərbaycan çempionatına hazırlıq davam etdirilir. Bununla bağlı keçirilən iclasda Azərbaycan Həndbol Federasiyasının (AHF) nümayəndələri, hakimlər və məşqçilər iştirak ediblər.

Tədbirdə mövcud klubların gücləndirilməsi və yenilərinin yaradılması istiqamətində ardıcıl tədbirlərin həyata keçirildiyi bildirilib. Federasiyanın yeni rəhbərliyinin səmərəli fəaliyyəti nəticəsində klubların xeyli artdığı, həndbol ilə mütəmadi məşğul olan komandaların sayının 10-a çatdırıldığı vurğulanıb. Bildirilib ki, bütün bu işlər federasiya rəhbərliyinin daim diqqət mərkəzindədir. Həndbolun inkişafı istiqamətində həyata keçirilən tədbirlər artıq öz bəhrəsini verir. Təsadüfi deyil ki, qadın həndbolçulardan ibarət Azərbaycan millisi IV İslam Həmrəyliyi Oyunlarının qalibi adına layiq görülən ilk komanda olub. Qazanılan uğurlar Azərbaycan Respublikasının Prezidenti İlham Əliyevin və Birinci vitse-prezident, “Bakı-2017” Təşkilat Komitəsinin sədri Mehriban Əliyevanın idmana diqqət və qayğısının nəticəsidir.

İclasda həmçinin yaxın vaxtlarda nəzərdə tutulan çimərlik həndbolu üzrə Azərbaycan çempionatı barədə ətraflı məlumatlar səsləndirilib. Yarışın yüksək səviyyədə təşkil olunması üçün konkret tapşırıqlar verilib. Qeyd olunub ki, ölkəmizdə çimərlik həndbolu üzrə Azərbaycan çempionatı ikinci dəfədir keçirilir. Tədbirdə əsas məqsədin çimərlik həndbolunun ölkəmizdə kütləviliyini təmin etmək olduğu vurğulanıb.

İclasda, həmçinin çempionatın avqustun 18-dən 20-dək Bakı Su İdman Sarayında keçiriləcəyi diqqətə çatdırılıb. Eyni zamanda, yarışın təşkili, oyun cədvəli, açılış və bağlanış mərasimləri barədə məlumat verilib.

Çempionata qatılacaq komandaların adları açıqlanıb. Ümumilikdə, qadınlardan ibarət 6, kişilərdən ibarət 4 komandanın mübarizə aparacağı bildirilib.

Sonra yarışların püşkü atılıb, çimərlik həndbolundan bəhs edən videoçarx nümayiş olunub.

Son Xəbərlər

15.12.2025

Kişi həndbolçuların ölkə çempionatında II turdan ...

15.12.2025

Qadın həndbolçuların ölkə çempionatında II turdan ...

13.12.2025

"Bakı" çətinlik çəkmədən qələbə qazandı

13.12.2025

. "Azəryol"dan növbəti böyükhesablı qələbə, "Kür"

Çimərlik həndbolu üzrə Azərbaycan çempionatına hazırlıqla bağlı tədbir keçirilib

Son Xəbərlər

15.12.2025

15.12.2025

13.12.2025

13.12.2025

Digər Xəbərlər