Qadın həndbolçularımız İslamiadada tarix yazdılar

14.05.2017

1419

Paylaş:

Bu gün “Sərhədçi” İdman Olimpiya Mərkəzində “Bakı-2017” İslam Həmrəyliyi Oyunlarının həndbol yarışları başa çatıb.

Qadın həndbolçuların final görüşündə Türkiyə kollektivinə 28:26 hesabı ilə qalib gələn Azərbaycan millisi yarışın baş mükafatına layiq görülüb.

Bürünc medallara isə Özbəkistan komandasını 35:27 hesabı ilə məğlub edən Kamerun yığması sahib çıxıb.

Kişilərin yarışında 1-ci yeri finalda Türkiyəyə 26:21 hesabı ilə qalib gələn Səudiyyə Ərəbistanı komandası tutub. Üçüncü yerə Əlcəzairi 27:22 hesabı ilə məğlubiyyətə uğradan Uraq millisi layiq görülüb.

Final qarşılaşmalarından sonra mükafatlandırma mərasimi keçirilib.

Medalları idmançılara Azərbaycanın gənclər və idman naziri Azad Rəhimov, Azərbaycan Həndbol Federasiyasının prezidenti Saleh Məmmədov və Beynəlxalq Həndbol Federasiyasının vitse-prezidenti Migel Roka Mas təqdim ediblər.