“Azəryol” həndbol komandasının məşqçisi beynəlxalq “Master Coach” lisenziyasına layiq görülüb

23.02.2022

1552

Paylaş:

“Azəryol” həndbol komandasının məşqçisi Fuad Yangildin beynəlxalq “Master Coach” lisenziyasına layiq görülüb. Təcrübəli mütəxəssis Avropa Həndbol Federasiyasının Moskvada keçirilən müvafiq kurslarını uğurla başa vurub. Onunla yanaşı Rusiya, Ukrayna və Estoniyanı təmsil edən həndbol mütəxəssisləri də həmin lisensiyaya yiyələniblər.

“Master Coach” qitə miqyaslı turnirlərdə yarışan milli komandalar və klubların çalışdırıcıları üçün vacib lisenziya sayılır. Sözügedən kursları müvəffəqiyyətlə bitirən məşqçilərə həmçinin “EHF PRO” lisenziyası da verilir ki, bu da qarşıdakı iki il ərzində mütəxəssislərin komandaları beynəlxlaq arenalara çıxarması üçün əhəmiyyətlidir. Sonradan həmin müddət daha iki il artırıla bilər.

Qeyd edək ki, Fuad Yangildin artıq 4 ildir ki, “Azəryol” komandasının uğurları üçün çalışır.