"Azəryol" liderliyi davam etdirir

13.02.2020

1408

Paylaş:

Qadın həndbolçuların Azərbaycan çempionatında XI turun oyunları keçirilib. Günün ilk görüşü daha böyük maraqla gözlənilirdi. Çempionluq uğrunda yarışan “Qarabağ”la “Azəryol”un qarşılaşması gözlənildiyi kimi gərgin mübarizə ilə yadda qalıb. Liderlə xal fərqini aradan qaldırmaq istəyində olan rəqibin ciddi müqavimətinə baxmayaraq, 3 xallıq üstünlüklə qələbə çalan “Azəryol” pərəstişkarlarını sevindirib – 29:26.

Turun “Azərsu” – “İdman Akademiyası” matçında nominal ev sahibi heç də asanlıqla qalib gəlməyib. Məğlubiyyətlə barışmaq istəməyən “İdman Akademiyası” rəqibə layiqli müqavimət göstərib. Bununla belə, görüş daha təcrübəli “Azərsu”nun üstünlüyü ilə yekunlaşıb – 39:33.

XI turu da qələbə ilə bitirən “Azəryol” 20 xalla liderliyi davam etdirir. “Qarabağ” ondan 4 xal geri qalır. “Azərsu” 6 xalla üçüncü yerdə qərarlaşıb. Hələ də xal qazana bilməyən “İdman Akademiyası” çempionatın autsayderidir.

Fevralın 19-na təyin olunan XII turun oyunlarında “Azəryol” “İdman Akademiyası” ilə, “Azərsu” “Qarabağ”la üz-üzə gələcək.

Fevralın 15-də isə, kişi həndbolçuların ölkə çempionatında növbəti oyunlar keçiriləcək. Həmin gün azarkeşlər “Bakı” - “Məhsul” “Təhsil” – U-18 görüşlərinin şahidi olacaqlar.

Son Xəbərlər

14.05.2025

Azərbaycan çempionatında növbəti oyunların nəticəl...

13.05.2025

Ölkə çempionatında növbəti tur başlanır...

10.05.2025

Ümummilli Lider Heydər Əliyevi dərin hörmətlə anır...

10.05.2025

"Qarabağ" zirvəyə yaxınlaşdı

"Azəryol" liderliyi davam etdirir

Son Xəbərlər

14.05.2025

13.05.2025

10.05.2025

10.05.2025

Digər Xəbərlər