Bakıda beynəlxalq həndbol turnirinə start verilib

08.05.2019

1471

Paylaş:

Paytaxtımız bu günlər daha bir beynəlxalq yarışa ev sahibliyi edir. Söhbət Ümummilli lider Heydər Əliyevin anadan olmasının 96-cı ildönümünə həsr edilən həndbol turnirindən gedir.

Yarışın təşkilatçıları əvvəlcə fəxri xiyabana yollanıblar. Azərbaycan, Gürcüstan və İraq həndbol federasiyalarının nümayəndələri, ulu öndər Heydər Əliyevin xatirəsini dərin hörmətlə yad edərək, məzarı önünə gül dəstələri qoyublar.

ABU Arenada keçirilən beynəlxalq turnirdə 4 komanda mübarizə aparır. Azərbaycan bu yarışda iki kollektivlə təmsil olunur. Kişilərdən ibarət əsas milli ilə yanaşı, 24 yaşadək həndbolçulardan ibarət seçməmiz də ənənəvi turnirdə bacarığını göstərir. İraq da yarışa əsas milli ilə qatılıb. Gürcüstanın isə U-24 komandası xatirə turnirinin iştirakçıları sırasındadır.

Yarışın ilk günündə keçirilən oyunlar gərgin və maraqlı mübarizə ilə yadda qalıb. İraq seçməsi ilə U-24 komandamızın görüşündə qonaqlar qələbə qazanıblar – 36:19. Əsas millimizlə Gürcüstanın U-24 seçməsinin görüşü isə, 26:28 hesabı ilə başa çatıb.

Qeyd edək ki, beynəlxalq turnirin qalib və mükafatçıları mayın 10-da müəyyənləşəcək.

Son Xəbərlər

14.05.2025

Azərbaycan çempionatında növbəti oyunların nəticəl...

13.05.2025

Ölkə çempionatında növbəti tur başlanır...

10.05.2025

Ümummilli Lider Heydər Əliyevi dərin hörmətlə anır...

10.05.2025

"Qarabağ" zirvəyə yaxınlaşdı

Bakıda beynəlxalq həndbol turnirinə start verilib

Son Xəbərlər

14.05.2025

13.05.2025

10.05.2025

10.05.2025

Digər Xəbərlər